Сүхбаатар аймагт хээрийн түймэр гарчээ

Цаг уур, орчны шинжилгээний газраас гурав болон дөрөвдүгээр сард олон жилийн дунджаас бага хур тунадастай, нийт нутгаар хуурайшилтын зэрэг өндөр байх тухай мэдээлсэн.

Иймд иргэдийг ой хээрийн болон ахуйн гал түймрийн аюулаас сэрэмжлүүлж байна.

Автомашин техникийн бүрэн бүтэн байдлыг хангах,
Цогтой үнс нурмаа битүү тагтай саванд хийх,
Ил задгай гал түлэхгүй байх,
Асаасан гал, түүдэг, тамхи, шүдэнзний галыг сайтар унтраах,
Насанд хүрээгүй хүүхдийг түймрийн аюултай үед ой, хээрт чүдэнз, асаагууртай явуулахгүй байхыг Онцгой байдлын байгууллагаас зөвлөлөө.
Өчигдөр/2021.03.11/ Сүхбаатар аймгийн Эрдэнэцагаан сумын Хонгор багийн “Улаан хужирын нуруу” гэдэг газар хээрийн түймэр гарч, 750 га талбай шатжээ. Тус сум дахь Гал түймэр унтраах, аврах 47 дугаар ангийн алба хаагчид, Асгат сумын Засаг даргын Тамгын газрын ажилтнууд ажиллаж, мөн өдрийн 16:03 цагт түймрийг цурамд оруулж, 17:08 цагт бүрэн унтраасан байна.