Т.Чимэгээ: Миний амьдралыг орвонгоор нь эргүүлж хар дарсан зүүд болгосон

Ерөнхий сайд Л.Оюун-Эрдэнэ Хан-Уул дүүргийн 10-р хороонд байрлах 401-р хаалттай хорих анги-Нэгдсэн эмнэлэгт ажиллаж байна. Тэрээр өнөөдөр Т.Чимэгээтэй уулзаж зарим зүйлийг тодруулсан билээ. С.Зоригийн хэргийн холбогдогчоор ял эдэлж байгаа Т.Чимгээ өнөөдөр Ерөнхий сайд Л.Оюун-Эрдэнэ, ХЗДХ-ийн сайд Х.Нямбаатартай уулзаж олон нийтэд мэдээлэл өглөө.

Т.Чимгээ: “Хоригдож байх хугацаанд маш хэцүү байсан. Ариун цэврийн хэрэгсэлгүй, өрөөн дотроо шууд бие засдаг зоорийн өрөөнд хоригддог байсан. Миний амьдралыг орвонгоор нь эргүүлсэн. Миний амьдрал хар дарсан зүүд болсон. Миний том охин намайг шоронд байхад ослоор өнгөрсөн. Би миний охины үхэл энэ хэрэгтэй холбоотой гэж бодож байна, дахиж шалгуулах хүсэлтэй байна.”