Т.Мөнхсайхан: Энхсаран сувиллаас 40 гаруй хүн халдвар авсан нь тогтоогдсон

Эрүүл мэндийн сайд Т.Мөнхсайхан:

Маргаашнаас эхлэн нийслэл даяар шинжилгээ хийлгэх цэгийг 18 болгож байгаа. Сайн дурын шинжилгээ өгөх хүмүүс өрхийнхөө эмнэлэгтэй холбогдож, цагаа авч шинжилгээ өгөх хэрэгтэй. Цагт дөрвөн хүний шинжилгээ авах боломжтой.

Дотоодод гарсан тохиолдлууд нь гурван төрөл байна:

• Улаанбаатар хотод голомтлон гарсан 9
• Сэлэнгэд гарсан 3
• Энхсаран сувилалтай холбоотой гарсан гэж гурав хувааж болно.

Энхсаран сувиллаас 40 гаруй хүн халдвар авсан нь тогтоогдсон. Эмчилгээ хийлгэж байсан болон ажиллагсдаас халдвар авсан нь тогтоогдсон.

Я.Содбаатар сайд:

Энхсаран сувилалынх нь бүгд тусгаарлалтад байсан хүмүүс гэдгийг иргэд ойлгох хэрэгтэй. Тодорхой хугацаанд энэ сувиллыг хаагаад ХӨСҮТ рүү шилжүүлсэн. Иргэдийн дунд байсан 12 хүнээс л халдвар илэрсэн.