УОК-ийн өнөөдрийн хуралдаанаар УБ, Сэлэнгэ, Дархан-Уул аймаг руу орох, гарах хөдөлгөөнийг дөрөвдүгээр сарын 21-ний 21:00 цагаас 25-ны 06:00 цаг хүртэл хаахаар болсон. Өөрөөр хэлбэл энэ чиглэлд хот хоорондын зорчигч тээвэр, хувийн тээврийн хэрэгсэл, галт тэрэгний тээврийн хэрэгслийн хөдөлгөөнийг хааж байгаа.
Замын хөдөлгөөнийг хааж байгаа холбогдуулж, УБТЗ-аас мэдэгдэл гаргажээ. Уг мэдэгдэлд “COVID19” цар тахлын халдварын тархалтаас урьдчилан сэргийлэх зорилгоор УОК-ын хуралдааны шийдвэрийн дагуу дөрөвдүгээр сарын 21-ний 21:00 цагаас эхлэн дөрөвдүгээр сарын 25-ны 06:00 цаг хүртэл бүх чиглэлд зорчигчийн галт тэрэгний хөдөлгөөнийг зогсоосныг мэдэгдэж байна.
Дээрх өдрүүдэд зорчихоор худалдан авсан тасалбарын төлбөрийг шимтгэлгүй буцаан олгоно. Бүх тасалбарын төв дээр тасалбар буцаах боломжтой аж.
