Улаанбаатар-Токио чиглэлийн онгоц хөөрлөө

Улаанбаатар-Токио чиглэлд хийх тусгай нислэгийг 08:55 цагт хийхээр бэлтгэл ажлыг хангаад, онгоц хөөрөх гэж байна.

Монгол Улсын Засгийн газар, Улсын Онцгой комиссоос БНСУ, Япон улс болон Европын улсуудад байгаа хүндэтгэн үзэх шалтгаантай иргэдийг Сөүл, Токио, Москва, Берлин, Истанбул хотоор дамжуулан татан авахаар шийдвэрлэсэн. Энэ хүрээнд Сөүл-Улаанбаатар чиглэлийн тусгай нислэгээр 244, Берлин-Москва-Улаанбаатар чиглэлээр 231 иргэн эх орондоо ирээд байна.

Мөн Улаанбаатар-Истанбулын нислэгийг гуравдугаар сарын 18-ны 06:30 цагт хийхээр бэлтгэл ажлыг хангаж байгааг ГХЯ-наас мэдээлсэн.