БНСУ-д ашиглагдахаа болсон нэгэн шоронгийн хашаанаас 250 гаруй хүний цогцос олджээ. Эдгээр цогцсыг 1980 оны улс төрийн эсэргүүцлийн хөдөлгөөний үеэр сураггүй алга болсон иргэдийнх гэж таамаглаж байна. “Ёнхап” агентлаг энэ талаар мэдээллээ.
БНСУ-ын баруун өмнөдөд орших Кванжу мужид байдаг ашиглагдахаа больсон шоронгийн хашаанд барилга барьж байсан ажилчид өнгөрсөн арванхоёрдугаар сард уг цогцоснуудыг анх илрүүлжээ. Анхандаа 80 хүний цогцос байна гэсэн ч кримналистик шинжээчид ажиллаад 250 хүний цогцосны үлдэгдэл байгаа гэж үзсэн байна.
“Ёнхап” агентлагийн мэдээлснээр бол эдгээр хүмүүс нь 1980 онд дэгдсэн төр засгийг эсэргүүцсэн бослого, эсэргүүцлийн хөдөлгөөний үеэр сураггүй алга болсон хүмүүсийнх байх магадлал өндөр юм байна.
1980 онд Кванжу хотын иргэд төр засгаа эсэргүүцсэн бослогод идэвхитэй оролцож, тухайн үеийн Ерөнхийлөгч Чон Ду Хваныг огцрохыг шаардан, хотын эрхзүйн болон нийгмийн байдалд ардчилсан өөрчлөлт хийхийн төлөө тэмцсэн байдаг. Гэвч эрх баригчид энэ бослогыг хүч хэрэглэн дарсан бөгөөд амиа алдагсдын тоо хэдэн зууд хүрсэн гэж үздэг юм. Эсэргүүцлийн хөдөлгөөнд оролцогчид өөрсдөө амиа алдагсдын тоог 2000 гаруй гэж ярьдаг ажээ.
эх сурвалж: “Ёнхап” агентлаг
+ There are no comments
Add yours