“Капитал” банканд 20 сая төгрөгнөөс дээш хадгаламжтай иргэд нэгдэн “Гишүүнд үйлчлэх” ТББ байгуулсанаа мэдэгдлээ. Тус банканд хадгаламж эзэмшигч иргэд дөрвөн жилийн хугацаанд үйл ажиллагаа нь доголдсон банкийг цаг тухайд нь татан буулгаагүйгээс иргэд хохирсон гэдгийг хэвлэлийн хурлын эхэнд мэдэгдэж байв. Монголбанк уг асуудлыг нуусны улмаас 1200 гаруй харилцагч 30 мянга гаруй иргэд 260 тэрбум төгрөгөөр хохироод байгаа аж. Хохирогчдын 90 хувь нь 2017 онд хадгаламж нээлгэсэн тэтгэврийн иргэд байна.

Хохирогчдын зүгээс “Монголбанк нь банкны тухай хуулийн олон зүйл заалтыг зөрчсөн. Тус банканд хуульд заасан урьдчилан сэргийлэх нөхцөлт удирдлагын болон бүтцийн өөрчлөлт хийгдээгүй болон найдваргүй зээлээс өөр огт хөрөнгөгүй болсон хойно татан буулгалаа. УИХ-ын эдийн засгийн байнгын хороо нь энэ хугацаанд ямар нэг хяналт тавьж ажиллаагүй энэ тал дээр ямар нэгэн арга хэмжээ аваагүй байна. Хохирогчдын хохирлыг төр барагдуулж дараа нь Монголбанкны бүрэн эрхт төлөөлөгчөөр дамжуулан өөрсдийн хохирлыг авахыг шаардаж байна” гэдгээ илэрхийллээ.

Банкны тухай хуулийн 8-р зүйлийн 8-т заасан хуулийг засахыг шаардаж байгаа болон Үндсэн хуулийн долоон зүйл заалт болон холбогдох хуулийг зөрчсөн байна гэлээ. Мөн түүнчлэн хохирогчид дараах гурван шаардлагыг төрийн гурван өндөрлөгт хүргүүлсэн аж. Хохирогчдын зүгээс

  • УИХ-ын чуулганы Дэгийн тухай хуульд иргэдийн асуудлыг сонсох нээлттэй сонсгол хийх
  • Үндсэн хууль болон холбогдох хуулийг засах
  • УИХ-ын Б.Ундармаад хариуцлага тооцож иргэдийг хохиролгүй болгохыг шаардлаа.

Мөн УИХ-ын эдийн засгийн байнгын хорооны дарга Д.Дамба-очир болон УИХ-ын хууль зүйн байнгын хорооны дэргэдэх хүний эрхийн дэд хорооны дарга Н.Оюундарь, УИХ-ын өргөдлийн байнгын хорооны дарга М.Оюунчимэг нарт уг хүсэлт гомдлоо хүргүүллээ. Түүнчлэн УИХ-ын нэр бүхий таван гишүүнд уг шаардлага гомдлыг хамт хүргүүлж байгаагаа илэрхийллээ.

Leave a Reply

Your email address will not be published. Required fields are marked *

Previous post Хашаандаа тоглож байсан хүүхдийг мөргөж амь насыг нь хохироожээ
Next post Бүх нийтийн их цэвэрлэгээнд 25.102 иргэн оролцов

More Stories

Монгол хэл бичгийн шалгалтыг цахимаар зохион байгуулахыг түр хугацаанд хэрэгжүүлэхгүй байхаар шийдвэрлэжээ

Пүрэв Дашдорж

Монгол Улсын хэмжээнд их, дээд сургууль, коллежид элсэгчдийн эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшнийг...