Өмнөд Солонгосын мэргэжилтнүүд Хойт Солонгосын төмөр замыг шалгахаар явлаа

Өнөөдөр хөдөлсөн цуваа нь зургаан вагонтой, засгийн газрын төлөөлөгчид, төмөр замын мэргэжилтнүүдийг тээвэрлэж яваа ажээ. Харин зүтгүүр нь Умард Солонгосынх юм.

Арванхоёрдугаар сарын 18-ныг хүртэл тэд Умардын 1,200 км урт замыг шалгах төлөвлөгөөтэй байна.

Өнгөрсөн дөрөвдүгээр сард хоёр Солонгосын удирдагчид анх удаа Панмунжомд уулзахдаа төмөр замын сүлжээгээ шинэчлэн сайжруулж, нэгтгэх тохиролцоонд хүрсэн юм. Ингэснээр Солонгосын хойгийг бүхэлд нь хамарсан төмөр замын дэд бүтэц бий болно.

1950-1953 оны Солонгосын дайнаас хойш Өмнөдийн галт тэргийн цуваа анх удаа Кумган уулнаас Түмэн гол хүртэл аялж байгаа нь энэ юм.

Төмөр замын хамтын ажиллагаанд НҮБ-ын хориг арга хэмжээ саад болж байв. Гэвч саяхан АНУ энэхүү төслийг дэмжсэнээр НҮБ-д нөлөөлж, хэрэгжих боломжтой болсон юм.