Эдийн засгийн байнгын хорооны өнөөдрийн хуралдаанаар Монгол Улсын Ерөнхийлөгчийн өргөн барьсан Валютын зохицуулалтын тухай хуульд нэмэлт оруулах тухай хуулийн төслийг хэлэлцэх эсэхийг хэлэлцлээ. Байнгын хорооноос уг хуулийн төслийг УИХ-ын чуулганы нэгдсэн хуралдаанаар хэлэлцүүлэхийг 100 хувь дэмжив. 

Уг хуулийн төслийг өмнө нь өргөн барьж хэлэлцүүлсэн боловч УИХ-аас дэмжлэг авч чадаагүй учир хуулийн төслийн төсөл санаачлагчид нь буцаасан байна.

Гэсэн ч энэ сарын 12-ны өдөр дахин өргөн мэдүүлснээр байнгын хороогоор хэлэлцэж буй нь энэ юм.

Мөн уг хуулийн төсөлтэй зэрэгцүүлэн М.Оюунчимэг нарын гишүүд ижил нэртэй хуулийн шинэчилсэн найруулгын төслийг өргөн бариад хэлэлцүүлгийн шатанд явж байгаа билээ.

Хуулийн төслийн талаар Монгол Улсын Ерөнхийлөгчийн Тамгын газрын дарга З.Энхболд танилцуулав.

З.Энхболд: Төгрөгийн тогтвортой байдлын хангах, гадаад валютын улсын нөөцийг эзэмшин удирдах, гадаад валютын нөөцийг нэмэгдүүлэх чиг үүргийн хүргээнд стратегийн ач холбогдол бүхий ашигт малтмалын ордыг ашиглаж валютын орлого олдог хуулийн этгээдийн мөнгөн гүйлгээ, төлбөр тооцоог Монголбанк гүйцэтгэх эрхзүйн зохицуулалт хийх зорилгоор хуулийн төслийг боловсруулсан.

Валютын зохицуулалтын тухай хуульд Засгийн газартай гэрээ байгуулсан стратегийн ач холбогдол бүхий ашигт малтмалын ордыг ашигладаг Монголбанкнаас тодорхойлсон хэмжээний экстопортын гадаадын валютын орлого олдог шаардлагыг хангасан хуулийн этгээдийн төлбөр тооцооны дансыг Монголбанк өөр дээрээ байршуулж болохоор тусгасан.

Хууль батлагдсан тохиолдол Монголбанк өөр дээрээ байршуулсан тодорхой шаардлага хангасан хуулийн этгээдийн дансаар дамжуулан гадаад валютын улсын нөөцийг нэмэгдүүлэх арга хэмжээ авах, тэдгээрийн экпортын орлогыг Монгол Улсаар дамжуулах эерэг үр нөлөөтэй талаар хууль санаачлагдын судалгааны ажлуудад дүгнэгдсэн байна.

Энэ хуулийн төслийг өмнө нь өргөн барьсан ч хэлэлцэхгүй гэдэг шалтгаанаар буцсан. Одоо дахин өргөн барьж байна. Энэ хооронд М.Оюунчимэг нарын гишүүд өөрчлөлт оруулах гэж байгаа хуулийн шинэчилсэн найруулга өргөн барьсан байсан. Энэ хуулийн төслийг хэлэлцэх эсэхийг шийдсэний дараа М.Оюунчимэг гишүүний өргөн барьсан хуулийн төсөлтэй нэгтгэхгүй бол өөрчлөлт оруулах гэж байгаа хууль маань алга болчихоод байна.

Leave a Reply

Your email address will not be published. Required fields are marked *

Previous post Ерөнхийлөгч АСЕМ-ын уулзалтад оролцоно
Next post Рестораны зөөгч нар үйлчлүүлэгчдийн картнаас19 сая төгрөг залилжээ

More Stories

Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа

Пүрэв Дашдорж

Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...