Зам тээврийн ослыг бууруулахад төрийн байгууллагад хамтарч ажиллана

Зам тээврийн ослыг бууруулахад төрийн байгууллагад хамтарч ажиллана
Иргэд, тээвэрлэгч нарын сэтгэлгээ дадлыг өөрчлөх замаар зам тээврийн ослын гарч буй шалтгаан нөхцөл, үүссэн хор уршгийг нийтэд таниулах, соён гэгээрүүлж урьдчилан сэргийлэхэд Зам, тээврийн хөгжлийн яам болон Автотээврийн үндэсний төв, Замын цагдаагийн албанаас хамтран ажиллах болжээ.
Зам, тээврийн хөгжлийн яам, Автотээврийн үндэсний төв, Замын цагдаагийн алба хамтран замын хөдөлгөөний аюулгүй байдлыг хангах, орон нутгийн замд гарч буй зам тээврийн осол, зөрчлийг бууруулах, урьдчилан сэргийлэх  чиглэлээр эхний уулзалт хэлэлцүүлгийг зохион байгуулжээ.

Тус хэлэлцүүлэгт ЗТХЯ-ны Хяналт шинжилгээ үнэлгээ дотоод аудитын хэлтсийн дарга, ахлах мэргэжилтэн болон “Автотээврийн үндэсний төв” ТӨҮГ-ын захирал П.Дэлгэрнаран тэргүүтэй үйлдвэрийн газрын холбогдох хэлтсийн дарга, мэргэжилтнүүд, мөн Замын цагдаагийн албаны Техник замын хяналтын хэлтэс, Урьдчилан сэргийлэх хэлтэс, Орон нутгийн хяналтын хэлтсийн холбогдох дарга, мэргэжилтнүүд оролцсон байна. Хэлэлцүүлгээр төрийн байгууллагуудын уялдаа холбоог хангах, цаашид  хамтран хэрэгжүүлэх ажлын төлөвлөгөөг хэлэлцэн, тулгамдаж буй асуудлуудыг хэрхэн шийдвэрлэх, нийгэмд чиглэсэн үр дүнтэй бодит  ажлуудыг  зохион байгуулж, хэрэгжүүлэхээр ярилцжээ.

Зам, тээврийн ослын улмаас улсын хэмжээнд нийт 5374 хүн хүнд, хүндэвтэр, хөнгөн бэртэл авсан нь өнгөрсөн оны үзүүлэлтээс 15,9%-р өссөн байна. Тиймээс осол, ослын шалтгаан нөхцөлийг бууруулахад төрийн байгууллагууд хамтарч ажиллан, техникийн бүрэн бүтэн байдалд анхаарч хяналт шалгалтыг тогтмолжуулж, иргэдэд сэрэмжлүүлэг, мэдээ мэдээллийг хүргэж ажиллахаар болсон байна.
Г.Намуун

Leave a Reply

Your email address will not be published. Required fields are marked *

Н.Энхбаяр: Нүүрсний хулгайд холбогдсон хүмүүст хатуу хариуцлага тооцох ёстой

Н.Энхбаяр: Нүүрсний хулгайд холбогдсон хүмүүст хатуу хариуцлага тооцох ёстой

Монгол Улсын Ерөнхийлөгч асан Н.Энхбаяр Ерөнхий сайд Л.Оюун-Эрдэнэтэй уулзаад гарч ирэх үеэр нь үүсээд буй нөхцөл байдалтай холбоотойгоор цөөн асуултад хариулт өглөө. Ерөнхийлөгч асан Н.Энхбаяр,...