Хэн ч үл анзаарах, магадгүй салбараасаа илүү гарч танигдаагүй олон хүн энэ удаагийн У.Хүрэлсүхийн Засгийн газрын бүрэлдэхүүнд орж ирсэний нэг нь Эрчим хүчний сайд Н.Тавинбэх байв.  Энэ удаагийн Засгийн газрын бүтцийн хувьд Ерөнхий сайдаас багцалчихсан нэрсийг намын Удирдах зөвлөл ямар ч асуудалгүй батлах байснаараа өмнөх Засгийн газруудаас өөр байсан бөгөөд У.Хүрэлсүхийн “дэглэсэн” драм уламжлал ёсоороо явж, удирдах зөвлөлийн хурал хуралдаж Ерөнхий сайд У.Хүрэлсүх танхимдаа ажиллах сайд нараа танилцуулж, бүх гишүүдийг бараг л 100 хувийн дэмжлэгээр сонгосон. У.Хүрэлсүхийн Засгийн газрын 17 сайдын дөрөв нь давхар дээлтэй буюу УИХ-ын гишүүд байсан.

У.Хүрэлсүхэд Эрчим хүчний салбарыг эн тэргүүнд авч явахаар харагдаж, сонгогдож, дэмжигдсэн Нансалын Тавинбэх нь 1971 оны 07 дугаар сарын 11-ний өдөр Улаанбаатар хотын Налайх дүүрэгт төрсөн. 2015 оны 11 дүгээр сарын 27-ны өдрөөс орон нутгийн иргэдийн саналаар нийслэлийн дагуул Багануур хотын захирагчаар сонгогдон ажиллаж, 2017 оноос өнөөдрийг хүртэл Багануур Зүүн Өмнөд Бүсийн Цахилгаан Түгээх сүлжээ ТӨХК-ийн Гүйцэтгэх захирлаар ажиллаж байсан.

2008-2012 онд Нийслэлийн Иргэдийн төлөөлөгчдийн хуралд төлөөлөгчөөр Багануур дүүргээс сонгогдон ажиллаж байсан. 1995-1997 онд БНЦШСГ-т дэд станцын монтёр, мастер, инженер,  Засварын албаны дарга, БЗӨБЦТС ТӨХК-ийн  Маркетингийн албаны менежер, дарга, 2001-2007 онд Техник технологи эрхэлсэн дэд захирал, ерөнхий инженер, 2007-2013 онд гүйцэтгэх захирал, 2013-2015 онд Багануур Энерги ХХК-ийн Захирал, 2015-2016 онд Багануур хотын Захирагч, 2017-2020 онд БЗӨБЦТС ТӨХК-ийн  Гүйцэтгэх захирлаар тус тус ажилласан товчхон түүхтэй нэгэн.

Тэрбээр, 1989 онд Багануур дүүргийн 10 жилийн 64 дүгээр сургууль, 1995 онд ШУТИС-ийг цахилгааны инженер, 2008 онд Удирдлагын Академийг Бизнесийн удирдлагыг, 2003-2004 онд АНУ-д мэргэжил дээшлүүлсэн. Англи, орос хэлтэй, Алтангадас, Хөдөлмөрийн гавьяаны Улаантугийн одонгоор 2014 онд шагнагдсан, түмэнд танигдаагүй, төрийн түшээ юм.

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.