АНУ-ын баруун эрэгт аймшигт түймэр дэгдэж байна

АНУ-ын баруун эргийн мужуудад ой хээрийн 100 шахам түймэр дэгдэж байгаа талаар ВВС агентлаг мэдэллээ. Түймрийн улмаас долоон хүн амиа алдаж, 1000 гаруй хүнийг нүүлгэн шилжүүлсэн бөгөөд бүхэл бүтэн хот шатаж устсан тохиолдол ч гарчээ.   

Калифорни, Вашингтон, Орегон мужууд түймрийн гамшиг бусдаасаа илүү өртсөн байна. Орегон мужийн Амбан захирагч энэ удаагийн түймэр нь хүний амь хохирсон болон өмч хөрөнгө үрэгдсэн хэмжээгээрээ мужийн түүхэнд хамгийн хохиролтой нь болж байна” гэж мэдэгдсэн байна.

АНУ-ын баруун эрэгт аймшигт түймэр дэгдэж байна

Зургийн тайлбар. Орегон мужийн тэнгэр улаанаар эргэжээ. 

Дээр дурдсанаас өөр есөн мужид ой хээрийн түймэртэй байна. Түймрийн утаанаас болоод Калифорни, Орегон мужид тэнгэр нь улбар шар өнгөтэй харагдаж байгаа аж.

АНУ-ын Гал түймэртэй тэмцэх үндэсний төвийн мэдээлснээр, яг одоогийн байдлаар тус улсын баруун эргийн мужуудад 3.4 сая га талбайг хамарсан 96 томоохон түймэр асч байгаа аж.

+ There are no comments

Add yours