Ээж минь Багануур дүүрэгт амьдраад багагүй хугацаа өнгөрч байгаа юм л даа. Тэгээд хотод ирж мэс засалд орохоор болоод тус дүүргийн Хаан банкны салбараар орж данс нээлгэсэн юм.
Тэгээд л тиллер охинд нь хэлж л дээ.
Анх удаа Хаан банкаар данс нээлгэж байгаа болохоор тэгээд ч 70 шүргэж яваа хүн юу эсийг асуух вэ дээ, нэлээн л шалгааж үзэсгэлэнт охиныг залхаасан бололтой догоо.
Учир юун хэмээвээс ээж маань харилцааныхаа төгсгөлд ” За, баярлалаа. Их олон юмтай болчихлоо. Одоо эгчдээ мобайл суулгаад өг ” гэсэнд өнөөх үзэсгэлэнт охины хөмсөг зангирч, нүд нь гялалзан ” Та одоо юун их юм хийлгэдэг юм. Мобайлаар яах гээд байгаан. Та ажиллуулж мэдэх юмуу. Ийм хөгшин юм байж. Одоо болно,яв ! ” гэсэн байх юм.
Ээж ч гуйж л дээ. ” Гүйээ харин наадахыг чинь сурчихвал настай хүн ийш тийшээ явж хүндрэл болохгүй, сууж байгаад л төлбөрөө хийчихвэл амар юм даа ” гэсэнд өнөөх
” үзэсгэлэнт ” хэсэг утсыг нь оролдож байгаад ” За болсон. Та одоо яв ” гэжээ.
Ээж ч хөөрөн хотод ирж, манайд байхдаа ээж нь мобайл суулгасан. Одоо төлбөрөө төлж үзье гээд л оролдож байснаа ” Ганаа, баахан нууц юм нэхээд байх юм. Тэр нь хаана байна” гэдэг юм. Банкнаас чинь танд хэлж өгөх ёстой доо гэтэл ” Өө тэр охин дургүйцээд залхаад яв, хөгшин юм байж гээд байсан тэгээд л болчихлоо гэж хуураад л намайг явуулчихаж ” гэж нээх санаа алдан хэлэхэд нь лавшруулж асуугаад дээрх бүгдийг сонсоод багтрахаа шахлаа.
Очиж уулзана гэсэн ” Яах вэ, миний хүү ажлаас нь халчихвал яана ” гэх юм. Ээждээ ч эгдүү хүрч аашаа гаргачихлаа.
Та нар л өдий насыг насалж үйл бүтээлээ хийчихсэн хүмүүс залуу үедээ хэлж сургахгүй бол тэд хэзээ хүмүүжих юм гээд л бууж гарлаа.
Үнэхээр дургүй хүрлээ.
Хөгшин хүн мобайл хэрэглэж болдоггүй гэсэн хууль байна уу ??
Мобайлыг нэг ч гэсэн хэрэглэгч шинээр нээлгэх нь танай Банкинд л ашиг орлого өгнө.
Үйлчилгээний байгууллагын ажилтан гэдгээ үргэлж сана, ” үзэсгэлэнт ” ээ.
Ээжид минь танай байгууллагаар үйлчлүүлэх шаардлага гарсан учраас зорьж очсон.
Тийм байхад 5, 5-н хүүхдийг хүний зэрэгт хүргэж өчнөөн ач гучтай болсон сайхан буянтай буурлыг хөгшинөөр нь дуудаж хөөж гаргадаг чи яг ХЭН БЭ ???
Чамтай заавал очиж уулзана. Удирдлагат чинь хэлж хариуцлага тооцуулна.
Чиний мууг үзэхдээ биш шүү. Чиний ирээдүйн 40-50 жилийн амьдралд чинь, хүн болж төлөвшихөд чинь сургамж болох үүднээс гэдгийг оготор тархиндаа ухна биз !!
Ээжийгээ эрхээ эдэлснийхээ төлөө, бас танай байгууллагат орлого оруулсаныхаа төлөө доромжлуулж гарсан гэж бодохоор үнэхээр уур хүрээд байна шүү !!!!!!

ЖИЧ : Ээж аль салбарыг нь хэлэхгүй байна. Аавыгаа дуурайсан Заргач нөхөр юмаа гээд намайг аашлаад байна.
Гэхдээ би заавал чамайг олно. Чи алдаагаа мэдэж байж засна.
Мэдэхгүй бол энэ хэвээр явсаар 2 жилээс цааш амьдрахад чамд хэцүү болно. Чиний сайн сайхны төлөө би заавал олж уулзах болно.
Бас Дутагдлын хажуугаар дуугүй өнгөрсөн Хүн та Бэртэгчин шүү !!!
Багануур дүүрэгт ажил хэргээ явуулж буй ХААН БАНК – ны дугаар салбарын ажилтанд зориуллаа !!!

Ганцэцэг Ганаа

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.