Хүчин, танхайн хэргээр эрэн сурвалжлагдаж байсан этгээдүүд хулгай хийгээд баригджээ


Warning: Undefined variable $commentcount in /home/admin/web/murch.mn/public_html/wp-content/plugins/facebook-comment-by-vivacity/user-file.php on line 121

Хэнтий аймаг дахь Цагдаагийн газрын алба хаагчид 2018 оны дөрөвдүгээр сарын 3-ны өдөр Дорнод аймгийн төвд бусдын орон байранд долоон удаагийн үйлдлээр хууль бусаар нэвтэрч, иргэдийн эд зүйлсийг хулгайлсан иргэн З, Н нарын хэргийг илрүүлэн шалгаж байна.

Дээрх хүмүүсийг Хэнтий аймгийн нутаг дэвсгэрээс баривчлан шалгахад сэжигтэн З өмнө нь гурван удаагийн ял шийтгэл эдэлсэн, мөн Сүхбаатар дүүргийн цагдаагийн 2-р хэлтсээс хүчингийн гэмт хэрэгт, Чингэлтэй дүүргийн Цагдаагийн 2-р хэсгээс танхайн хэрэгт эрэн сурвалжлагдаж байсан, сэжигтэн Н нь Дундговь аймагт дөрвөн удаагийн орон байрны хулгайн гэмт хэрэг үйлдэж яллагдагчаар татагдан байцаагдаж байхдаа оргон зайлж, эрэн сурвалжлагдаж байгаа этгээдүүд болохыг Эрүүгийн цагдаагийн тасгаас шалгах явцад тодруулаад байна.

Гэмт этгээдүүдийг Хэнтий аймгийн нутаг дэвсгэрт хулгайн болон бусад төрлийн гэмт хэрэг үйлдсэн байж болзошгүй байгаа тул Цагдаагийн газраас үргэлжлүүлэн шалгаж байгаа тул Хэнтий аймаг дахь Цагдаагийн газраас дараах сэрэмжлүүлгийг ард иргэддээ хүргэж байна.

Сүүлийн үед аймаг орон нутаг дамжин гэмт хэрэг үйлддэг этгээдүүд илэрч байна. Манай аймаг нь зүүн аймгуудын төв магистрал замд холбогдсон Хэнтий, Дорнод аймгууд руу ирж очихдоо дамжин өнгөрдөг уулзвар тул иргэд маань гэр орноосоо гарахдаа хаалгаа байнга бат бөх найдвартай цоож, цуургатай байлгах, байшингийн цонхондоо төмөр хаалт хийх, гэр хороололд байгаа айлууд хөрш айлдаа гэр орноо захиж байх, хөршүүд бие биенийхээ эд хөрөнгийг хайрлан хамгаалахад харилцан туслалцаа үзүүлж байхыг анхааруулан сэрэмжлүүлж байна.

Сэтгэгдэл үлдээх

Leave a comment

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.