Израилийн Засгийн газрын урилгаар Гадаад харилцааны сайд Ц.Мөнх-Оргил 2017 оны наймдугаар сарын 23-26-ны өдрүүдэд Израиль Улсад айлчилж байна. Тэрбээр 8 дугаар сарын 24-ний өдөр Израилийн Ерөнхий сайд бөгөөд Гадаад хэргийн сайд Б.Нетаньяахутай уулзаж, Монгол, Израилийн харилцаа, хамтын ажиллагааны асуудлаар санал солилцлоо.
Уулзалтын үеэр монголын тал Монгол Улсын Засгийн газрын гадаад бодлого, үйл ажиллагааны тэргүүлэх чиглэлийн талаар мэдээлж, Монгол Улс, Израиль Улсын хооронд тогтоосон найрсаг харилцааг бэхжүүлэх, дээд, өндөр түвшний яриа хэлцээг тогтмолжуулах, давтамжийг хадгалах, улс төр, эдийн засаг, хөдөө аж ахуй, хүмүүнлэг болон бусад салбарын харилцаа, хамтын ажиллагааг өргөжүүлэн хөгжүүлэх, хэлхээ холбоог гүнзгийрүүлэх асуудлаар ярилцжээ.
Мөн Сайд Ц.Мөнх-Оргил Израилийн Хөдөө аж ахуй, орон нутгийн сайд У.Ариэлтэй уулзаж, тус улсын хөдөө аж ахуйн салбарт олж авсан ололт амжилтыг судлах, туршлага хуваалцах, энэ чиглэлд идэвхтэй хамтран ажиллах талаар ярилцав. Израилийн тал манай төлөөлөгчдийг сүүний үйлдвэр, хүнсний ногоо, тариалангийн услалтын дуслын системийн аж ахуйтай танилцуулж, энэ оны намар болох усны аж ахуй, 2018 оны 5 дугаар сард зохиогдох хөдөө аж ахуйн олон улсын үзэсгэлэнд оролцохыг тус тус урив.
Айлчлалын үеэр хоёр улсын ГХЯ-д хоорондын ээлжит зөвлөлдөх уулзалтыг зохион байгуулж, талууд хоёр талын харилцаа, хамтын ажиллагааны өргөн хүрээтэй асуудлаар ярилцан, санал солилцож, дүнгээр нь Монгол, Израилийн хооронд хамтран ажиллах протоколд гарын үсэг зурсан байна.
Уг протоколд талууд хоёр улсын хоорондын улс төрийн харилцаа өндөр түвшинд хүрснийг тэмдэглэхийн зэрэгцээ хоёр улсын хооронд эдийн засаг, худалдааны хамтын ажиллагааг идэвхжүүлэхийн чухлыг онцолж, хамтран ажиллахаар тогтов. Мөн хоёр орны хооронд хөдөө аж ахуй, эрүүл мэнд, байгаль орчин, боловсрол, соёлын салбарын хамтын ажиллагааг урагшлуулахаар тохиролцов. Түүнчлэн залуу удирдагчид, хэвлэл мэдээллийн ажилтнуудыг солилцох, мэдээлэл, холбоо, кибер аюулгүй байдлын салбарт хамтарсан арга хэмжээ зохион байгуулахаар болжээ.
Мөн нийтийн аюулгүй байдлыг хангах, терроризм, цахим гэмт хэргээс урьдчилан сэргийлэх чиглэлээр хамтран ажиллах боломжийг нэмэгдүүлэх, өмнө нь эхлүүлсэн тохиролцоог үргэлжлүүлэн хэрэгжүүлэх талаар ярилцаж, сургалт зохион байгуулах, багш, мэргэжилтэн урьж ажиллуулах саналыг тавьж, хэрэгжүүлэх чиглэлээр хамтарч ажиллана.
Д.Думаа
More Stories
Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа
Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...
“Тогтвортой байдлын яриа хэлэлцээ- 2025 Уур амьсгалын өөрчлөлт: Тэрбуман мод” чуулга уулзалт болно
Монгол Улсын Ерөнхийлөгчийн ивээл дор “Тогтвортой байдлын яриа хэлэлцээ 2025 – Уур амьсгалын өөрчлөлт: Тэрбуман мод” чуулга уулзалт 2025 оны 06...
Монгол Улсад Нисэх хүчин үүсч хөгжсөний 100 жилийн ойг тохиолдуулан Зэвсэгт хүчний Агаарын цэргийн алба хаагчдыг Ерөнхийлөгчийн зарлигаар Төрийн одон медалиар шагналаа.
Монгол Улсын гавьяат хэмээх эрхэм хүндтэй шагналын эзнээр: Д.Жигжид, ахмад нисгэгч, бэлтгэл дэд хурандаа Г.Сарангэрэл, ахмад нисгэгч, бэлтгэл дэд хурандаа...
Сургалтын сонгон шалгаруулалтанд урьж байна
Бүгд Найрамдах Энэтхэг Улсын Цэргийн академид 3 жилийн хугацаатай Компьютерын шинжлэх ухаан мэргэжлээр бакалаврын хөтөлбөрт элсэн суралцах хүсэл сонирхолтой ахлагч,...
Хүүхдийн байгууллага үүсэж, хөгжсөний 100 жилийн ойг тохиолдуулан төрийн дээд цол, одон, медаль гардууллаа
Монгол Улсын Ерөнхийлөгч Ухнаагийн Хүрэлсүх Монголын хүүхдийн байгууллага үүсэж, хөгжсөний 100 жилийн ойг тохиолдуулан зарлиг гаргаж нэр бүхий эрхмүүдийг төрийн...
БНСУ-ын ерөнхийлөгч асан Юн Сок Ёлыг огцруулах шийдвэр энэ сарын 4-ний өдөр хэлэлцэгдэнэ
БНСУ-ын ерөнхийлөгч асан Юн Сок Ёл-ийн огцруулах шийдвэрийг 4-ний өдрийн 11:00 цагт танилцуулна гэж мэдэгдэв. Одоогоор 8 гишүүнтэй Үндсэн хуулийн...