Дэлхийн 33 улсаас 5,340 монгол иргэн Улсын Их Хурал(УИХ)-ын сонгуульд саналаа өгөхөөр бүртгүүлсэн байна.
Гадаад оронд ажиллаж амьдардаг болон түр хугацаагаар зорчиж буй иргэд сонгуульд оролцож, саналаа өгөхийн тулд зургаадугаар сарын 15-ныг хүртэл хугацаанд тухайн улс, хотод байгаа Монгол Улсын Дипломат төлөөлөгчийн газарт хүсэлтээ дор дурдсан бүртгэлийн хэлбэрүүдийн нэгийг сонгон сонгогчдын нэрийн жагсаалтад бүртгүүлэх шаардлагатай.
- https://election.burtgel.gov.mn/request хаягаар орон шууд бүртгүүлэх;
- https://election.burtgel.gov.mn/request хаягаас бүртгэлийн маягт татан авч бөглөн гадаад паспорт эсхүл иргэний үнэмлэхийн хуулбарыг тухайн улсад суугаа Дипломат төлөөлөгчийн газрын цахим шуудангаар илгээн бүртгүүлнэ. Эсвэл өөрийн биеэр очиж бүртгүүлэх боломжтой юм.
Сонгогчдын нэрийн жагсаалтад бүртгэл нь баталгаажсан сонгогч 2024 оны зургаадугаар сарын 20, 21, 22 болон 23-ны өдрүүдэд 07:00-22:00 цагийн хооронд /орон нутгийн цагаар/ саналаа өгөхөөр бүртгүүлсэн тухайн Элчин сайдын яам, Ерөнхий консулын газар, Консулын газарт байрлах санал авах байранд гадаад паспорт эсхүл иргэний үнэмлэхтэйгээ биечлэн очиж саналаа өгнө.
Гадаадад байгаа Монгол Улсын иргэдийн санал авах ажлыг зохион байгуулах 47 салбар комисс:
Элчин Сайдын Яам
- Анкара дахь ЭСЯ
- Астана дахь ЭСЯ
- Абу-Даби
- Бангкок дахь ЭСЯ
- Берлин дэх ЭСЯ
- Брюссель дэх ЭСЯ
- Бишкек дэх ЭСЯ
- Будапешт дахь ЭСЯ
- Бээжин дэх ЭСЯ
- Варшав дахь ЭСЯ
- Вашингтон дахь ЭСЯ
- Вена дахь ЭСЯ
- Вьентьян дахь ЭСЯ
- Гавана дахь ЭСЯ
- Дели дэх ЭСЯ
- Каир дахь ЭСЯ
- Канберра дахь ЭСЯ
- Кувейт дахь ЭСЯ
- Лондон дахь ЭСЯ
- Москва дахь ЭСЯ
- Минск дэх ЭСЯ
- Оттава дахь ЭСЯ
- Парис дахь ЭСЯ
- Прага дахь ЭСЯ
- Ром дахь ЭСЯ
- Софи дахь ЭСЯ
- Сөүл дэх ЭСЯ
- Стокгольм дахь ЭСЯ
- Сингапур дахь ЭСЯ
- Ташкент дахь ЭСЯ
- Токио дахь ЭСЯ
- Ханой дахь ЭСЯ
Байнгын төлөөлөгчийн газар
- Женев дахь БТГ
- Нью-Иорк дахь БТГ
Ерөнхий консулын газар
- Истанбул дахь ЕКГ
- Сан Франциско дахь ЕКГ
- Осака дахь ЕКГ
- Кызыл дэх ЕКГ
- Улаан-Үд дэх ЕКГ
- Эрхүү дэх ЕКГ
- Хөх хот дахь ЕКГ
- Хонконг дахь ЕКГ
- Шанхай дахь ЕКГ
Консулын газар
- Эрээн дэх Консулын газар
- Бусан дахь Консулын газар
- Манжуур дахь Консулын газар
- Чикаго дахь Консулын газар.
