“Кореан Айр” компанийн онгоц Филлиппинд газардах үедээ осолджээ

Өнөөдөр өглөө Инчоны олон улсын нисэх онгоцын буудлаас Филиппины Себу нисэх онгоцны буудал руу хөөрсөн КЕ631 дугаартай нислэг газардах үедээ унасан байна. Урьдчилсан байдлаар цаг агаарын нөхцөл байдлын улмаас газардах зурвасыг өөрчилснөөр осол болсон гэж үзжээ. Airbus-330-300 загварын онгоцонд зорчиж явсан 162 зорчигч, нислэгийн багийн 11 гишүүнээс гэмтэж бэртсэн хүн байхгүй. Ослын шалтгааныг тогтоохоор орон нутгийн эрх баригчид БНСУ-ын талтай хамтран ажиллаж байна.