Таван давхрын цонхноос унах гэж байсан хүүхдийг аварчээ

Орон сууцны барилгын тавдугаар давхрын цонхоор бага насны хүүхэд унах гэж байсныг онцгой байдлын газрын албан хаагчид эсэн мэнд буулгажээ.

Тодруулбал, Дархан-Уул аймгийн Дархан сумын 8 дугаар багийн 5 давхар орон сууцны барилгын 5 дугаар давхрын цонхоор бага насны хүүхэд унах гээд байна гэсэн дуудлагыг хүлээн авчээ.

Тус аймгийн Онцгой байдлын газрын алба хаагчид 1 км зам туулан 17:18 цагт очиж тус байрны иргэн 5 настай, эрэгтэй хүүхдийг эсэн мэнд буулгаж ээжид нь хүлээлгэн өгсөн байна.

Эх сурвалж: ОБЕГ