Б.Чулуудай: Миний аавын хэвлэн нийтлэх эрхийг сэргээ

409 дүгээр хорих ангид хоригдож буй Э.Бат-Үүл өлсгөлөн зарлах болсон талаар түүний өмгөөлөгч А.Пүрэвдулам, хүү Б.Чулуудай мэдээлэл хийж байна.

Б.Чулуудай, Аав минь “Путины колончлол эргэн ирэх үү?” гэсэн нийтлэлийг 3-р сарын 7-ны өдөр бичсэн. Энэ нийтлэлийг нь прокуророос хаасан, захидал харилцааны эрхийг нь хассан. Надад болон миний охинд бичсэн захидлыг өгөөгүй. Мөн хоёр нийтлэл бичсэнийг гаргаагүй. Эрхээ сэргээлгэхээр хандсан боловч шийдвэрлээгүй. Тиймээс хууль ёсны эрхээ сэргээлгэхийн тулд хорих ангид өлсгөлөн зарлах болсноо мэдэгдсэн.

Ар гэрийнхэн болон өмгөөлөгчид нь өлсгөлөн зарлахыг дэмжихгүй байгаа. Залуу хүн биш учир эрүүл мэндэд нь санаа зовж байна.