Агнахыг хориглосон хулангийн мах хадгалж байсан иргэнийг илрүүлжээ

Дорноговь аймгийн Сайншанд сумын нутаг дэвсгэрт 30 настай иргэн Н агнахыг хориглосон хулангийн мах хадгалж байсан үйлдлийг нэгдүгээр сарын 04-ний өдөр тус аймгийн Цагдаагийн газрын Эрүүгийн цагдаагийн тасгийн алба хаагчид илрүүлжээ. Улмаар мөрдөн шалгах ажиллагааг явуулж байгаа аж.

Энэ хэрэгтэй холбогдуулан хуулиар хүлээсэн үүргээ биелүүлж хууль бус ан агнуурын талаарх мэдээллийг холбогдох хууль хяналтын байгууллага, эрх бүхий албан тушаалтанд нэн даруй мэдэгдэж байхыг цагдаагийн байгууллагаас уриаллаа.