Говьд сүүлийн 40 жил байгаагүй хур тунадас оржээ

Монголын говьд энэ онд сүүлийн 40 жил байгаагүй хур тунадас орсон. Үүний ашгаар олон булаг, шанд сэргэсэн гэж Засгийн газрын хэрэгжүүлэгч агентлаг Усны газрын дарга Ш.Мягмар ярилаа.

Тэрээр энэ талаар “Цэнхэр алт – Ногоон хэрэм” сэдэвт Байгаль орчны төрийн бус байгууллагуудын үндэсний наймдугаар чуулганы үеэр ярьсан.
Усны эргэлт 10-12 жилийн хугацаатай байдаг. 2000 оны эхээр усны хомстолтой, ган гачигтай жилүүд үргэлжилсэн бол 2019 оноос услагтай жилүүд эхэлж байгаа аж.
Гэвч нийтдээ 515 км, Монголын нутгаар 490 км урт үргэлжлэх Улз гол сүүлийн 10 жилийн хугацаанд 40 гаруй км-ээр тасарсан нь гадаргын усны хомстол нүүрлэж байгааг илтгэж байгаа юм.