“Наадмыг зохион байгуулвал гурван мянган хүн халдвар авах эрсдэлтэй байсан тул хойшлуулах шийдвэр гарсан”

Засгийн газрын ээлжит бус хуралдаанаас гарсан шийдвэрийг танилцуулж байна.

Ерөнхий сайдын Хэвлэлийн төлөөлөгч Ч.Болортуяа: “Наадмыг нэг жилээр хойшлуулах шийдвэр гарлаа. ЭМЯ, УОК-ын дэргэдэх эрдэмтдийн зөвлөлөөс гаргасан дүгнэлтээр Үндэсний их баяр наадмыг тэмдэглэвэл арван хоёр мянган хүний бөөгнөрөл үүсэж, улмаар гурван мянга орчим хүн халдвар авах эрсдэлтэй байсан тул баяр наадмыг хойшлуулах саналыг дэмжиж баяр наадмыг нэг жилээр хойшлуулах шийдвэр гаргаж байна. Мөн коронавируст халдварын мутацлагдсан дельта вирусын улмаас Алтанбулаг боомтын үйл ажиллагааг зорчигч тээврийнн хувьд 7 сарын 31 хүртэл хойшлуулж байна. Наадмын төсвөөс хэмнэгдсэн зардлыг ЭМ-ийн салбарт зарцуулах чиглэлийг Ерөнхий сайд өгсөн” гэв.