ЦЕГ: Н.Түвшинбаярыг баривчилж, 461 дүгээр ангид саатуулсан

ЦЕГ-ын хэвлэл мэдээлэл, олон нийттэй харилцах албаны дарга Б.Баатархүү Олимпийн аварга Н.Түвшинбаярын хэргийн тухай мэдээлэл өглөө.

“Дөрөвдүгээр сарын хоёрны өдрийн 21:29 минутад Хан-Уул дүүргийн 1-р хорооны нутаг дэвсгэрт Залуу Монгол корпорацийн байранд хүн зодолдоод байна гэсэн дуудлага Цагдаагийн байгууллагат анх ирсэн. Хохирогч Э.Энхбат ГССҮТ-ИЙН эрчимт эмчилгээний тасагт эмчлүүлж байна.

Сэжигтэн Н.Түвшинбаяраас өмгөөлөгчийг байлцуулан мэдүүлэг авсан. Тухайн хүний биеийн байдлыг харгалзан үзэж, эмчлүүлэх хүсэлт гаргасныг нь хангаж өгсөн. Н.Түвшинбаярыг хойшлуулалгүйгээр баривчлан, 461 дүгээр ангид хүргэсэн байгаа. Монгол Улсын иргэний хуулийн 11.1т зааснаар эрүүгийн хэрэг үүсгэж, яллагдагчаар татсан. Хүний эрүүл мэндэд санаатай гэмтэл учруулах гэх зүйлээр энэ хэрэг цаашаа шалгагдаад явна.”