БЗД-ийн нэгдсэн эмнэлэгт хэвтэн эмчлүүлж байсан хоёр иргэнээс коронавирусийн халдвар илэрлээ

ХӨСҮТ-ийн Тандалт, судалгааны албаны дарга А.Амбасэлмаа: “Өчигдөр БЗД-ийн нэгдсэн эмнэлэгт хэвтэн эмчлүүлж байсан хоёр иргэнээс коронавирусийн халдвар илэрсэн. Тухайн иргэдийг эмнэлэгт хэвтэх үед түргэвчилсэн тестээр оношлоход хариу сөрөг гарч байсан бол хэвтсэнээс хойш 4-5 хоногийн дараа халдвартай нь батлагджээ. Өөрөөр хэлбэл, халдварын нууц үедээ эмнэлэгт хэвтсэн байна.

Бид өчигдрийн 18:00 цагаас хойш ажиллаад халдварын батлагдсан тохиолдлын ойрын хавьтал болох 69 хүнийг тусгаарлах байруудад тусгаарласан. Мөн хавьтал болсон гэж үзсэн нийт 171 хүнд шинжилгээ хийхэд коронавирус илрээгүй. Тандалт, судалгаа үргэлжилж байна.