Монголын үйлдвэрчний эвлэлийн холбоо болон Монголын шатахуун хэрэглэгчдийн холбооноос өнөөдөр буюу 4-р сарын 13-ны өдөр цаг үеийн асуудлаар мэдээлэл хийлээ. Тэд цар тахлын үед дизель шатахууны үнийг тодорхой хэмжээнд бууруулахыг шаардсан юм.
Энэ талаараараа “Дэлхийн зах зээлд нефтийн үнэ эрчимтэй буурч байна. Энэ хүрээнд дэлхийн улс орон шатахууныхаа үнийг буулгаж байхад манай улсад хэвээрээ байна. Бидний тооцоолсноор дизель түлшийг 650 төгрөгөөр бууруулах боломж байгаа. Бид энэ саалаа холбогдох байгууллагуудад хүргүүлсэн ч арга хэмжээ аваагүй.
Дэлхий нийтэд цар тахлын аюул нүүрлэж улс орон бүр иргэдээ бодсон шийдвэрийг гаргаж байна. Энэ хүнд үед ард иргэдээ эдийн засгийн дарамтад өртүүлэхгүй байх талаар арга хэмжээ авч байна. Иймд манай улс дизель түлшнийхээ үнийг буулгах шаардлагатай байна. Түлшний үнийг литр тутамд 650 төгрөгөөр буулгах үндэслэл байгаа. Иймд дөрөвдүгээр сарын 15-ны дотор буулгаж шийдвэрлэхийг холбогдох яамд, газарт хүргүүлж байна” гэсэн юм.
