Улаанбаатар-Сөүл чиглэлийн тусгай үүргийн нисэх онгоц өнөө өглөө 08:40 цагт Сөүл рүү хөөрлөө. Өнөөдрийн нислэгээр 250 гаруй зорчигч эх орондоо ирэх бөгөөд нисэх онгоц орой 17:00 цагт Улаанбаатарт газардах юм байна. Зорчигчдын 30-40 хувь транзит нислэгээр зорчсон иргэд гэдгийг Гадаад харилцааны яамнаас мэдээлэв.

Манай улс тусгай үүргийн нислэгээр 1000 гаруй иргэнээ гадны орноос авчраад байгаа юм. Өнөөдрийн байдлаар 45 улс, бүс нутгаас нийт 6313 иргэн эх орондоо ирэх хүсэлтээ холбогдох ЭСЯ, Консулын газарт гаргажээ.

Одоогоор хийгдээд буй тусгай үүргийн нислэгүүд:

  • Вирусийн голомт болсон Ухань хотоос 31 иргэнээ хоёрдугаар сарын 1-нд Улаанбаатар авчирсан. Үүнээс гадна
  • Гуравдугаар сарын 15-нд Сөүл-Улаанбаатар
  • Гуравдугаар сарын 16-нд Берлин-Москва-Улаанбаатар
  • Гуравдугаар сарын 16-нд Токио-Улаанбаатар
  • Гуравдугаар сарын 19-нд Истанбул-Улаанбаатар
  • Дөрөвдүгээр сарын 2-нд Сөүл-Улаанбаатар
  • Дөрөвдүгээр сарын 3-нд Токио-Улаанбаатарын чиглэлд тусгай нислэг үйлдэж, гадаад улсаас монгол иргэдээ эх оронд нь ирүүлээд байна.

Leave a Reply

Your email address will not be published. Required fields are marked *

Previous post Эдийн засгийг идэвхжүүлэх багц арга хэмжээний тухай тогтоолын төслийг хэлэлцэж байна
Next post УИХ-ын сонгуулийг хойшлуулах асуудлаар иргэдийн саналыг авч байна

More Stories