Бага насны хүүхэд хүчирхийлсэн 134 хэрэг гарснаас 35 хэрэгт яллах дүгнэлт үйлджээ

УЕПГ-ын Зөрчлийн хэрэг бүртгэх ажиллагаанд хяналт тавих хэлтсийн дарга Ү.Содномцог

“Хүний биед халдах зөрчил өмнө оны мөн үеийнхтэй харьцуулахад 24.5 өссөн байна. Зөрчлийн хэргийн улмаас 448.4 сая төгрөгийн хохирол учирсан бөгөөд дийлэнх нь иргэдэд учирсан хохирол бөгөөд иргэдэд учирсан хохирлын 55.8 хувийг нөхөн төлүүлсэн.

Өндөржүүлсэн бэлэн байдлын хэсэгчилсэн зэрэгт шилжсэнтэй холбоотойгоор 600 гаруй зөрчлийн хэрэг бүртгэсэн бөгөөд үүнээс хорио цээрийг дэглэм зөрчсөн 217, олон нийтийг төөрөгдүүлсэн 31, олныг хамарсан үйл ажиллагаа зохион байгуулсан 10 хэрэг тус тус бүртгэгдсэн байна.

Хэрэг бүртгэх мөрдөн байцаах ажиллагааны талаар УЕП-ын туслах прокурор, Хэрэг бүртгэх, мөрдөн байцаах ажиллагаанд хяналт тавих хэлтсийн дарга Ц.Ариунболд 

“2020 оны эхний улиралд мөрдөн байцаалтын 7192 хэрэгт хяналт тавьсан нь өнгөрсөн оноос 5.2 хувиар өссөн байна. Хэрэг бүртгэх мөрдөн байцаах ажиллагаанд хяналт тавих 317 прокурор хяналт ажиллаж байна. 460 хэрэгт шаардлага тавин ажиллаж байгаагаас 172 хэргийг хэрэгсэхгүй болгож хэргийг хаасан.

Авилга албан тушаалын 612 гэмт хэрэг дээр хяналт тавин ажиллаж байна. Гэмт хэрэг илрүүлэлт ихэссэн. 76 хэргийг хааж 81 хэрэгт яллах дүгнэлт үйлдэж шүүхэд шилжүүлсэн. Бага насны хүүхэд хүчиндсэн 134 хэргийн 14 хэргийг хэрэгсэхгүй болгож, 35 хэрэгт яллах дүгнэлт үйлдсэн. Мансууруулах бодис, сэтгэцэд нөлөөлөх эм бэлдмэл хэрэглэх, хүчирхийлэх хэрэг зэрэгт онцгой анхаарч ажиллаж байна.

УЕПГ-ын Шүүхэд төрийг төлөөлөх хэлтсийн дарга Д.Булганцэцэг

“Эхний улирлын байдлаар 7400 орчим хэргийн шүүх хуралд орсон.  Үүнээс 844 хэрэгсэхгүй болгосон хэргийг шалгаж 19 хэргийг эрүүгийн хэргийн хэрэг бүртгэлд шилжүүлсэн.

Жилдээ 80 орчим хэргийг яллах дүгнэлт үйлдэж, шүүхэд шилжүүлж байгаа. 3816 хэрэгт яллах дүгнэлт үзүүлж шүүхэд шилжүүлсэн.