Элсэлтийн ерөнхий шалгалтын бүртгэлийн явцын талаар Боловсролын үнэлгээний төвөөс өнөөдөр танилцууллаа.
Бүртгэл хоёрдугаар сарын 10-нд нээгдсэнээс хойш өнөөдрийг хүртэл 16,911 шалгуулагч бүртгүүлжээ. Цар тахлаас урьдчилан сэргийлэх зорилгоор бүх шатны боловсролын байгууллагын үйл ажиллагааг түр зогсоогоод буй тул Элсэлтийн ерөнхий шалгалтыг долдугаар сарын 2-5-нд зохион байгуулахаар болсон билээ.
Боловсролын үнэлгээний төвийн захирал Ж.Ган-Эрдэнэ “Өмнөх жилүүдтэй харьцуулахад энэ жил бүртгэлийн явц тааруу байна. Шалгуулагчдыг эртхэн бүртгүүлэхийг уриалъя.
Шалгалтын бүртгэлийн хугацааг сунгахгүй буюу Элсэлтийн ерөнхий шалгалтын бүртгэл дөрөвдүгээр сарын 15-ны 18:00 цагт дуусна.
Ингэснээр бид шалгуулагч бүрт мэдээллийг хэрхэн хүргэх арга барилаа тодорхойлж, бэлтгэлээ хангах юм.
Төмөр замын өртөө, уурхайн орчимд оршин сууж буй сурагчид, сум, багт байгаа зэрэг бүх шалгуулагч нарт Элсэлтийн ерөнхий шалгалтын талаар мэдээллийг тогтмол хүргэж байх нь чухал учир бүртгэлийг хугацаанд нь хааж, шалгалт болох хүртэл шалгуулагч нэг бүрт мэдээлэл, зөвлөгөөг хүргэнэ” гэлээ.
2019-2020 оны хичээлийн жилд 590 сургуулийн 1,146 бүлгээс 28,567 сурагч 12 дугаар анги төгсөнө.
Боловсролын үнэлгээний төвөөс энэ жил 32,000 шалгуулагч Элсэлтийн ерөнхий шалгалт өгнө хэмээх тооцоолж, улсын хэмжээнд шалгалтын 50 төвийг бэлтгэж байгаа юм. Тухайн шалгуулагч аль сургуульд, ямар мэргэжлээр суралцахаас шалтгаалан 10 хүртэлх хичээлээр шалгалт өгөх боломжтой. Гэхдээ өмнөх жилүүдийн судалгаанаас харахад 4-5 хичээлийг сонгож өгсөн хүүхдүүдийн шалгалтад үзүүлсэн дүн нь бусдаасаа харьцангуй өндөр байсан талаар Боловсролын үнэлгээний төвөөс мэдээлж байв.
2020 ОНД ЭЛСЭЛТИЙН ЕРӨНХИЙ ШАЛГАЛТ ӨГӨХӨӨР БҮРТГҮҮЛСЭН ШАЛГУУЛАГЧДЫН ТОО:
№ | Аймаг/дүүрэг | Хандалтын тоо | ЭЕШ-д бүртгүүлсэн шалгуулагчдын тоо |
---|---|---|---|
1 | Архангай аймаг | 581 | 392 |
2 | Баян-Өлгий аймаг | 560 | 478 |
3 | Баянхонгор аймаг | 557 | 496 |
4 | Булган аймаг | 324 | 228 |
5 | Говь-Алтай аймаг | 581 | 564 |
6, | Говьсүмбэр аймаг | 162 | 137 |
7 | Дархан-Уул аймаг | 978 | 826 |
8 | Дорноговь аймаг | 548 | 479 |
9 | Дорнод аймаг | 704 | 628 |
10 | Дундговь аймаг | 392 | 357 |
11 | Завхан аймаг | 510 | 414 |
12 | Орхон аймаг | 970 | 827 |
13 | Сэлэнгэ аймаг | 963 | 927 |
14 | Сүхбаатар аймаг | 401 | 348 |
15 | Төв аймаг | 726 | 601 |
16 | Увс аймаг | 435 | 301 |
17 | Ховд аймаг | 578 | 391 |
18 | Хэнтий аймаг | 453 | 362 |
19 | Хөвсгөл аймаг | 494 | 248 |
20 | Өвөрхангай аймаг | 966 | 931 |
21 | Өмнөговь аймаг | 455 | 377 |
22 | Багануур дүүрэг | 265 | 209 |
23 | Багахангай дүүрэг | 24 | 23 |
24 | Баянгол дүүрэг | 1,689 | 1,296 |
25 | Баянзүрх дүүрэг | 2,140 | 1,305 |
26 | Налайх дүүрэг | 111 | 53 |
27 | Сонгинохайрхан дүүрэг | 1,288 | 1,011 |
28 | Сүхбаатар дүүрэг | 1,757 | 1,207 |
29 | Хан-уул дүүрэг | 834 | 487 |
30 | Чингэлтэй дүүрэг | 746 | 471 |
+ There are no comments
Add yours