Дундговь аймгийн прокурорын газар иргэдээс ирүүлсэн мэдээллийн дагуу тус аймгийн Луус сумын 1 дүгээр багийн нутаг дэвсгэр “Шаргал” гэх газарт жонш олборлолтын үйл ажиллагаа явуулдаг бичил уурхайнууд Эрүүгийн хууль, Зөрчлийн тухай хууль тогтоомжийг зөрчиж байгаа эсэхийг гэнэтийн байдлаар шалгажээ.
Шалгалтын бүрэлдэхүүнд аймгийн Мэргэжлийн хяналтын газрын геологи, уул уурхайн хяналтын улсын байцаагч, Цагдаагийн газрын эрүүгийн цагдаагийн тасгийн эрүүгийн мөрдөгч нарыг болон Луус сумын Засаг дарга, сумын байгаль орчны байцаагч нарыг оролцуулсан байна.
Эрүүгийн мөрдөгч тус бичил уурхайн талбайд үзлэг хийн, холбогдох бичиг баримтыг шалгаж, бичил уурхайн дүгнэлттэй талбайд хэмжилт хийхэд уг талбайгаас хэтрүүлэн олборлолт явуулж, хайлуур жонш олборлон гаргасан зөрчил илэрчээ.
Шалгалтын явцад нөхөрлөлүүдийн ажилтнуудаас тайлбар авч, гаргасан жоншийг битүүмжлэн, сумын байгаль орчны байцаагчид хариуцуулж, хүлээлгэн өгсөн байна. Дүгнэлттэй талбайгаас хэтрүүлэн, зөвшөөрөлгүй жонш олборлосон нөхөрлөлүүдийн үйл ажиллагаа болон дүгнэлтгүй талбайд жонш олборлох гэрээ байгуулсан эрх бүхий албан тушаалтны шийдвэр нь гэмт хэргийн шинжтэй байх тул дээрх үйлдлийг шалгуулахаар аймгийн Цагдаагийн газрын Эрүүгийн цагдаагийн тасагт гэмт хэргийн талаарх гомдол мэдээллийг шилжүүлж, хэрэг бүртгэлтийн хэрэг нээн шалгуулж байна гэж Дундговь аймгийн прокурорын газраас мэдээллээ.
More Stories
Айл өрхийн цахилгааны тарифийг нэмэгдүүлж ажилчдын цалингаа нэмэхээр болжээ
Эрчим хүчний ҮЭХ-с өнөөдрөөс эхлэн ажил хаялт зохион байгуулахаа мэдэгдсэн. Үүнтэй холбоотойгоор өчигдөр орой Эрчим хүчний сайд Б.Найдалаа мэдэгдэл гарган...
Долоодугаар сарын цаг агаарын ерөнхий төлөв
Цаг уурын байгууллагын гаргасан долоодугаар сарын мэдээллээр агаарын дундаж температур баруун аймгуудын нутгаар олон жилийн дунджаас дулаан, харин зүүн аймгуудын...
Нийслэлийн гурван дүүрэг болон Төв аймагт цахилгаан хязгаарлаж, засвар хийнэ
Нийслэлийн гурван дүүрэг болон Төв аймагт 18:00 цаг хүртэл цахилгаан хязгаарлаж, засвар хийнэ Өнгөрсөн сараас эхлэн хэсэгчлэн цахилгааны хязгаарлаж, цахилгаан...
Үндэсний баялгийн сангаар дамжуулан иргэдийн хүртэх өгөөжийг нэмэгдүүлэх ажлыг шуурхай зохион байгуулахыг үүрэг болголоо
Засгийн газрын ээлжит хуралдаан 2026 оны тавдугаар сарын 6-д-нд болж дараах асуудлуудыг хэлэлцэн шийдвэрлэлээ. “Стратегийн ач холбогдол бүхий ашигт малтмалын...
“Орон нутагт эмч нарын тоо дутаагүй, харин тогтвортой ажиллах “хөшүүрэг” дутагдаж байна”
Эрүүл мэндийн сайд Ж.Чинбүрэн: "Эмч нарыг орон нутагт тогтвортой ажиллуулах хөшүүрэг хэрэгтэй" "Манай улсын статистикийг харахад эмчийн тоо дутаагүй. Гол...
Ерөнхий сайд Г.Занданшатар сурагчдын амралтын хугацааг наашлуулах эсэх асуудлаар Эрүүл мэндийн яам, Боловсролын яамныхантай уулзлаа
Ерөнхий сайд Г.Занданшатар сурагчдын амралтын хугацааг наашлуулах эсэх асуудлаар Эрүүл мэндийн яам, Боловсролын яамныхантай уулзлаа. Улсын хэмжээнд хийсэн эрсдэлийн үнэлгээгээр...