Улсын Дээд шүүхийн хяналтын шатны эрүүгийн хэргийн шүүх хуралдаанаар Р.Эрдэнэбүрэн, Ж.Гантөгс нарт холбогдох хэргийг прокурорын эсэргүүцлийн дагуу 2019 оны 3 дугаар сарын 13-ны өдөр хянан хэлэлцлээ.

Анхан болон давж заалдах шатны шүүх прокуророос Р.Эрдэнэбүрэн, Ж.Гантөгс нарт 2015 оны Эрүүгийн хуулийн 22.10 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн хэргийг гэмт хэргийн шинж тогтоогдоогүй гэсэн үндэслэлээр хэрэгсэхгүй болгож, Р.Эрдэнэбүрэн, Ж.Гантөгс нарыг цагаатгаж шийдвэрлэсэн байна.

Улсын Дээд шүүхийн хяналтын шатны эрүүгийн хэргийн шүүх хуралдаанаар дээрх хэргийг хянан хэлэлцээд анхан болон давж заалдах шатны шүүхийн шийдвэрийг хэвээр үлдээн шийдвэрлэв.

Эргэн сануулахад, Авлигатай тэмцэх газраас Р.Эрдэнэбүрэнг 2016 оны дөрөвдүгээр сард хөрөнгө орлогоо их хэмжээгээр нэмэгдсэнийг хууль ёсны болохыг тайлбарлаж чадаагүй гэсэн үндэслэлээр шалгаж эхэлсэн байдаг. Тодруулбал, 380 сая төгрөгөөр орон сууц худалдан авснаа үндэслэлтэй тайлбарлаж чадаагүй гэж үзсэн боловч дээд шүүхийн хяналтын шатны эрүүгийн хэргийн шүүх хуралдаанаар уг орлогоо зээл болохыг нь нотлож чадсанаар ийнхүү цагаатгагдаж байгаа аж.

Б.Баатар

Leave a Reply

Your email address will not be published. Required fields are marked *

Previous post Хөдөлмөрийн хөлсийг нэмэгдүүлэх шаардлагатай эсэхийг хэлэлцэж байна
Next post Түймэр дэгдээсэн тохиолдолд ямар шийтгэл хүлээх вэ

More Stories