АЙМГИЙН ЗАСАГ ДАРГА Г.ӨНӨРБАЯР УЛИАСТАЙ ХОТОД АЖИЛЛАВ.
Тэрээр өнөөдөр /2024.04.06/ аймгийн ЗДТГ-ын ХБТХОХ-ийн дарга Д.Азжаргал, Улиастай хотын захирагч Ч.Наранбат, Хот тохижилт, үйлчилгээний албаны дарга А.Гантөмөр нарын хамт Улиастай хотод ажиллалаа.
2024 онд улсын болон орон нутгийн төсвийн хөрөнгө оруулалтаар Улиастай хотноо хийгдэх бүтээн байгуулалт, тохижилтын ажлуудын төлөвлөлтүүдийг ярилцаж, иргэдтэй уулзан тэдний санал бодлыг сонсов.
Засаг дарга Г.Өнөрбаяр урин дулаан цаг ирсэнтэй холбогдуулан хотын өнгө үзэмжийг сайжруулах, гудамж талбайд үүсээд буй нүүрсний хог, бусад хог хаягдлыг бүрэн цэвэрлэх цаашлаад шинээр хийгдэж эхлэх бүтээн байгуулалтын ажлуудаа яаравчлан эхлүүлэх үүрэг чиглэлүүдийг холбогдох албан тушаалтнуудад өгөв.
