Маргааш яруу найрагч Ц.Хулангийн шүүх хурал хаалттай болно

Яруу найрагч Ц.Хулангийн гэм бурууг шүүх хуралдаан маргааш \2023.07.20\ Сүхбаатар дүүргийн эрүүгийн хэргийн анхан шатны шүүхэд болно.  Нууцын зэрэглэлтэй учраас шүүх хурал хаалттай болох аж. Түүний шүүх хурал энэ оны 3-р сарын 21-нд болох ёстой байсан боловч ерөнхий шүүгч “Хөгжлийн банк”-ны хэргийн шүүх хуралдаанд оролцсон, Ц.Хулангийн өмгөөлөгч шүүх хуралдааныг хойшлуулах хүсэлт гаргасан зэрэг шалтгаанаар өдийг хүртэл хойшлоод байна.

Нийслэлийн прокурорын газраас “Гадаадын тагнуулын алба, байгууллага, иргэнтэй хууль бусаар хамтран ажиллах” гэмт хэрэгт холбогдуулан яллах дүгнэлт үйлдэж ирүүлсэн яллагдагч Ц.Хулан, Б.Отгонбаатар нарыг Сүхбаатар дүүргийн Эрүүгийн хэргийн анхан шатны шүүхийн шүүгчийн захирамжаар шүүхэд шилжүүлэх шийдвэр гаргасан билээ.