Боловсролын зээлийн сангийн талаар үнэн мэдээллийг хүргэж улс төрчдийн эсрэг шүгэл үлээсэн О.Сийлэгмаад Боловсрол соёл шинжлэх ухааны сайд Л.Энх-Амгалан ажлын санал тавьсан ч татгалзжээ.
Энэ талаар тэрээр “Сайд дуудаж уулзсан нь үнэн. Зөвлөх болон өөр бусад хүмүүсийн хамт уулзсан бөгөөд уучлалт гуйсан. Гэхдээ би намайг яаж гүтгэсэн яг тэр аргаараа залруулга, уучлалт гуйхыг хүссэн. Ажилдаа орохоос татгалзаж байна. Өмнө нь шүүхийн эвлэрлээр ажилдаа очоод ажиллахад хэцүү, дарамт шахалттай байсан. Тэр хүмүүс намайг дахиад хоёр сарын дараа хавчаад л чөлөөлөх магадлалтай” гэжээ.
Мөн Боловсрол соёл шинжлэх ухааны сайд Л.Энх-Амгалан түүнээс уучлал гуйжээ. Түүнийг Боловсролын зээлийн сангийн компьютер дээрх 2,000 гаруй хүүхдийн мэдээллийг иргэн О.Сийлэгмаа хард диск дээр хуулж аваад устгасан зэргээр гүтгэсэндээ уучлал гуйсан байна.
