Говь-Алтай аймгийн малчид махаа ченжээр дамжуулалгүй Улаанбаатарын хэрэглэгчдэд хүргэнэ

2020 онд Ковидын хүнд хэцүү цаг үед Говь-Алтай аймгаас зохион байгуулагдаж байсан “Хүргэлт” арга хэмжээ гурав дахь жилдээ болох гэж байна.

Ингэснээр малчид махаа ченжээр дамжуулалгүй Улаанбаатарын хэрэглэгчдэд хүргэх аж. Тус аймгийнхан Барс-2 худалдааны төвд малын мах борлуулах лангууг сум тус бүрээр түрээслэхээр болжээ. Идэш бэлтгэх үеэр буюу арванхоёрдугаар сарын 1-нээс тус худалдааны төвд Алтай нутгийн махны амталгаат худалдааг зохион байгуулах юм байна.

Түүнчлэн малчдын хоршоо, үйлдвэрүүд Хөдөө аж ахуйн биржээр дамжуулан амьд малыг дуудлага худалдаанд оролцож худалдах, худалдан авах боломж бүрдснийг ХХААХҮЯ мэдээлэв.