Гадаадад суралцах оюутнуудын зээлд арван тэрбум төгрөг төсөвлөжээ

Боловсролын зээлийн сангийн хөрөнгийг өмнөх оноос 14 тэрбум төгрөгөөр нэмж, 2023 оны төсөвт 93 тэрбум төгрөг төсөвлөсөн хэмээн Сангийн дэд сайд С.Мөнгөнчимэг мэдээлэв.

Ангилж харуулбал:

Ерөнхийлөгчийн нэрэмжит тэтгэлэг хөтөлбөр-24.3 тэрбум
Оюутны хөгжлийн зээл-21.8 тэрбум
Бүтэн өнчин, хөгжлийн бэрхшээлтэй болон нэг өрхөөс гурван хүүхэд нь зэрэг суралцдаг бол 1 хүүхдийн тэтгэлэгт-13.5 тэрбум
Ерөнхий сайдын нэрэмжит тэтгэлэг-10.5 тэрбум
Гадаадад суралцагсдын зээл-10.0 тэрбум
Сувилагч мэргэжлээр төрийн өмчийн их, дээд сургуульд суралцаж байгаа оюутны тэтгэлэг-5.4 тэрбум
Засгийн газар хоорондын хэлэлцээрийн дагуу гадаадад суралцаж байгаа оюутнуудын тэтгэлэг-2.8 тэрбум
Багш мэргэжлээр төрийн өмчийн их, дээд сургуульд суралцаж байгаа суралцагчдын болон орон нутагт хийх багшлах дадлагын тэтгэлэг- 2.3 тэрбум
Орон нутгаас суралцаж байгаа оюутнуудын замын зардлын хөнгөлөлт-1 тэрбум
Засгийн газар хоорондын гэрээний дагуу гадаад улсаас Монголд суралцаж байгаа гадаад оюутнуудын амьжиргааны тэтгэлэг-0.6 тэрбум