ХҮИС: Боловсролын байгууллага биеэ даагаад явж байхад төр оролцох ёсгүй

ХҮИС-ИЙН үе үеийн төлөөлөгч нар цаг үеийн асуудлаар мэдээлэл хийлээ.

“Энэ оны 8 дугаар сарын 03 Засгийн газраас “Төрийн өмчийн зарим сургалтын байгууллагынханд авах арга хэмжээний 293 тогтоол” гаргасан билээ.

Гавьяат багш Ж.Сүхбаатар: Монгол Улс Сингапуртай ажил хөгжинө гээд туршлага судалдаг. Сингапурын улс бол жижигхэн хот байгалийн баялаг ч байхгүй. Яаж өнөөдөр шиг хөгжив гэхээр худалдаа арилжаа хийж л хөгжсөн байгаа юм. Монгол Улс болохоор гадаадад харилцааны яамны мэргэжлийн хүмүүсийн судалгаагаар жилдээ 1.8 тэрбум долларын алдагдал хүлээж байгаа. Өөрөөр хэлбэл хөрш болон бусад улс оронтой хийж байгаа худалдаа байнга алдагдалтай болж байгаа. Энэ нийгэмд нэг учир нь олон улсын арилжааг хийдэг мэргэжлийн хүмүүс хийх ёстой байдаг. Гэтэл манайд байгалийн баялгийн аралжааг үндсэндээ мэргэжлийн хүмүүс хийхгүй янз бүрийн улс төрчид хүртэл хийгээд явдаг. Хүнсний бүтээгдэхүүн гэхэд үндсэндээ хувь хүмүүс оруулж ирээд байгаа нөхцөл байдалд байгаа юм. Энийг бол Засгийн газраас зохицуулж мэргэжлийн хүмүүс хийх юм бол Монгол Улс алдагдал хүлээхгүй болж хөрөнгийн их үүсвэртэй болох юм. 1991 онд Монгол Улс зах зээлийн байдалд шилжих мөчид Засгийн газар тогтоол гаргаж Зах зээлийн коллежийг барьсан юм. Энэ худалдааны сургуулийн суурин дээр худалдаа хийх чадварлаг мэргэжилтэнгүүдийг бэлдэж эхэлсэн байгаа юм. Гэтэл энэ сургуулийг сүүлийн 30 жилийн дотор нэлээн нааш нь цааш нь бужигнууллаа. Хувьчилж өглөө буцаагаад цуцаллаа. Нэг сургуультай нийлүүлээд буцаагаад салгалаа. Одоо дахиад нийлүүллээ. Энийг ямар учраас, ямар бодлогоор ингээд байгааг гайхаж байна. Үндсэндээ төрийн өмчийнх мөртлөө өөрсдийнхөө оюутан сурагчдаар санхүүжүүлээд өөрсдийгөө аваад явж байгаа. Түүнээс биш төр засгаас тусгайлан төсөв тогтоогоод байгаа юм байхгүй. Ер нь бол дээд боловсролын байгууллагыг аль болохоор хүндрэлгүйгээр биеийг нь даалгаад орхих ёстой. Тэгэхийн бол цаашаагаа хөгжөөд сургалт судалгаагаа хийгээд сайжраад явдаг байгаа.”гэв.