Л.Энх-Амгалан: Танил талдаа диплом олгодог байдал хавтгайрсан байна

БШУ-ны сайд Л.Энх-Амгалан “Манай салбарт сургуулийн өмнөх боловсрол болон ерөнхий боловсролын сургуулийн түвшинд 51 мянга гаруй багш, сурган хүмүүжүүлэгч ажиллаж байна. Энэ дунд нэг багш хоёр дипломтой байхыг үгүйсгэхгүй. Өөрөөр хэлбэл, 51 мянган багшийн 71 мянган диплом байна гэсэн үг. Өнгөрсөн зургаан сарын хугацаанд 71 мянган дипломоос 59 мянгыг нь шалгалаа. Цаана нь 12 мянган диплом шалгах шаардлага бий.

Эндээс өнөөдрийн байдлаар 442 диплом зөрчилтэй байгаа нь тогтоогдсон. Үүнээс гадна 2,000 бичиг баримт сэжигтэй байна.

Ямар зөрчил үүссэн бэ гэхээр, дипломын дугаар давхардсан зөрчил 454 байна. Энэ дээр бусдын овог нэрийг ашигласан, бусдын гарын үсгийг дуурайсан, дугаар өөрчилсөн, тамга буруу дарагдсан, сканердсан, регистрийн дугаар өөрчилсөн, өөр сургуульд олгосон дугаарыг авч ашигласан зэрэг зөрчил байна.

Жишээ нь, Монгол Улсын Боловсролын Их Сургуулийн Сургуулийн өмнөх боловсролын сургуулийн D201305131 дугаартай дипломыг гурван хүнд давхардуулан олгосон байна. Энэ бол дуурайж үйлдсэн гэсэн үг.

Мөн бүртгэлгүй боловсролын дипломын дугаар ашигласан зөрчил 139 бүртгэгдсэн. Энэ нь тухайн жилүүдэд их, дээд сургуулиудад олгогдоогүй, бүртгэлд огт байхгүй дугаар бичиж, хуурамчаар үйлдсэн гэсэн үг.

Гуравдугаарт, боловсролын байгууллагын буруутай үйл ажиллагаатай холбоотой. Элсэлт, төгсөлтийн тушаалгүй хэр нь шууд диплом бичиж өгсөн. Жишээ нь, “Газарчин” дээд сургууль. Завхан аймгийн 21 сумын нэг суманд хамгийн багадаа долоо, ихдээ 20 гаруй суралцаагүй хүүхдэд магистрын диплом бичиж олгосон байна.

Ингэж диплом олгодог явдал хавтгайрсан байна.

БШУЯ-наас 21 дээд сургууль үүн дотроо 13 сургуулийг онцолж, үйл ажиллагааг нь зогсоосон. Эдгээр сургууль нь суралцаагүй хүүхдүүдэд бакалавр, магистрын диплом олгож байсан.

Дөрөвдүгээрт, манай яамны дээд боловсролын системд хуурамч буюу зөрчилтэй дипломуудын дугаарыг шивж баталгаажуулдаг. Үүнийг систем дээр албажуулсан хууль явдал илэрсэн.

Энэ мэтээр сүлжээ үүссэн байна. Нэг хэсэг хүмүүс нь хуурамчаар диплом үйлддэг. Нөгөө хэсэг нь баталгаажуулдаг. Түүнийг нь систем дээр бүртгэдэг. Ийм сүлжээ үүссэн байх магадлалтай ноцтой үйлдэл илэрсэн” гэлээ.

Ингэж диплом олгодог явдал хавтгайрсан байна.

БШУЯ-наас 21 дээд сургууль үүн дотроо 13 сургуулийг онцолж, үйл ажиллагааг нь зогсоосон. Эдгээр сургууль нь суралцаагүй хүүхдүүдэд бакалавр, магистрын диплом олгож байсан.

Дөрөвдүгээрт, манай яамны дээд боловсролын системд хуурамч буюу зөрчилтэй дипломуудын дугаарыг шивж баталгаажуулдаг. Үүнийг систем дээр албажуулсан хууль явдал илэрсэн.

Энэ мэтээр сүлжээ үүссэн байна. Нэг хэсэг хүмүүс нь хуурамчаар диплом үйлддэг. Нөгөө хэсэг нь баталгаажуулдаг. Түүнийг нь систем дээр бүртгэдэг. Ийм сүлжээ үүссэн байх магадлалтай ноцтой үйлдэл илэрсэн” гэлээ.