“Хилэм” нуураас цогцос олджээ

Нийслэлийн Хан-Уул дүүргийн 13 дугаар хороо, “Хилэм” нуурын тогтоол уснаас нэг иргэний цогцос олджээ. Энэ талаарх дуудлага мэдээллийг Цагдаагийн байгууллагаас тавдугаар сарын 23-ны өдрийн 12:14 цагт ОБЕГ-т хүргүүлжээ.

Энэ дагуу Нийслэлийн аврах ангийн алба хаагчид очиж, нийслэлийн Хан-Уул дүүргийн харьяат 56 настай эрэгтэйн цогцсыг “Хилэм” нуурын усны мандалд хөвж байсныг гаргаж, тус дүүргийн Цагдаагийн нэгдүгээр хэлтсийн мөрдөгчид шилжүүлэн өгчээ.