Орчны эрсдэлээс урьдчилан сэргийлэх “НЭГДҮГЭЭРТ ШАЛГА” арга хэмжээ зохин байгуулж байна

Хүүхдийг орчны эрсдэлээс урьдчилан сэргийлэх “Нэгдүгээрт шалга” аяныг Нийслэлийн гэр бүл, хүүхэд, залуучуудын хөгжлийн газраас санаачлан НЗДТГ-тай хамтран зохион байгуулаад байна. Тус аяныг нийслэлд үйл ажиллагаа явуулж буй төрийн захиргааны 88 байгууллагын 5,012 ажилтан, албан хаагч оролцож, нийслэлийн хүүхэд бүрийн төлөө эрсдэл болгоныг арилгуулах, илрүүлэх ажлыг эхлүүлээд байна. Энэ хүрээнд эцэг эхчүүд оршин суугаа газар болон гэрээс сургууль хүртэлх орчны аюулгүй байдлыг үнэлэхэд хүүхдүүд өндрөөс унаж бэртэж болзошгүй 32, тог цахилгаанд цохиулах эрсдэлтэй 14 газар, хүнд зүйлд дарагдаж мэдэх 10, автомашины эрсдэлтэй 19, таггүй траншей, ухсан 76 нүх, эзэнгүй нохойтой зургаан байршлыг илрүүлжээ. Тус эрсдэлт орчны байдлыг гэрэл зурагт буулган холбогдох байгууллагуудад мэдэгдсэн байна.