Сэлэнгэ аймагт хээрийн түймэр гарч, 4.5 га талбай шатжээ

Сэлэнгэ аймгийн Мандал суманд хээрийн түймэр гарчээ.

Тус сумын Тарни наймдугаар багийн “Дарьт” гэдэг газарт хээрийн гал түймэр гарсан тухай дуудлагыг гуравдугаар сарын 23-ны өдрийн 16:32 цагт онцгой байдлын байгууллагын алба хаагчид хүлээн авсан байна.

Дуудлагын дагуу аймгийн Онцгой байдлын газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид очиж, 45 минут ажиллан галыг унтраажээ. Түймэрт 4.5 га талбай өртөж шатсан байна.