Хятадад 4.5 сая хүнийг хатуу хорионд орууллаа

БНХАУ сүүлийн хоёр жилийн хугацаанд хамгийн өргөн хүрээтэй цар тахлын дэгдэлттэй тулгараад буй. Зүүн хойд нутгаар омикрон хувилбарын дэгдэлт эрчимтэй нэмэгдэж байгаа тул өнөөдрөөс эхлэн Жилин мужийн 4.5 сая оршин суугчийг гурван өдрийн турш хатуу хөл хорионы дэглэмд шилжүүлэх болжээ. Жилин мужийн төв Чанчунь хотод өнгөрсөн бямба гарагаас хязгаарлалтын дэглэм тогтоосон юм.
Ням гарагт БНХАУ даяар 4000 гаруй шинэ халдвар бүртгэгдсэний гуравны хоёр нь Орос, Хойд Солонгостой хиллэдэг Жилин мужид бүртгэгдсэн юм. Мөн бямба гарагт сүүлийн нэг жил гаруйн хугацаанд Ковид19 халдварын улмаас нас барсан анхны хоёр тохиолдол бүртгэгдсэн байна.