Менежерээ тарчлааж хөнөөсөн харуулыг хотод буудлаас баривчлав

Уг хэрэг энэ сарын 3-нд Төв аймгийн  Аргалант сумын 1 дүгээр багийг нутаг Цагаан хөтөл гэдэг газарт гарсан байна.  Мах, түүхий эдийн худалдааны Болор төвд дөрвөн сар болж буй 32 настай Г.Алтан-Эрдэнийг харуулаар ажилд ороод сар л болж буй 55 настай  Г.Баярсайхан гэгч онц хэрцгийгээр, тарчлаан амийг нь хөнөөгөөд хэргийн газраас оргон зайлсаныг цагдаагийн ажилтнууд тогтоон, шуурхай ажиллаж сэжигтэн этгээдийг Улаанбаатар хотоос өнөөдөр баривчилсан байна. Сэжигтэн этгээд    Сонгинохайрхан дүүргийн  26 дугаар хорооны иргэн байсан бөгөөд тус дүүрэгт байрлах Цогт-Очир зочид буудалд нуугдаж байхад нь цагдаагийнхан саатуулан баривчилжээ. Хохирогч  нийслэлийн Сүхбаатар дүүргийн eсдүгээр хорооны иргэн байжээ. Уг хэргийг Төв аймаг дахь Цагдаагийн газарт үргэлжлүүлэн шалгаж байгаа юм байна.