Хөвсгөл аймагт шүлхий өвчин хурдацтай тархаж байна

Хөвсгөл аймгийн хэмжээнд 12 сумын 23 голомтод 9517 толгой мал малын гоц халдварт шүлхий өвчнөөр өвчлөөд байгаа бөгөөд Аймгийн засаг даргын 2021.12.05-ны өдрийн А/604 дугаартай “Хорио цээр хязгаарлалтын дэглэм тогтоох тухай” захирамж гарч Монгол улсын засгийн газрын 2018 оны 266-р тогтоол, Мал эмнэлгийн ерөнхий газарын даргын А/187-р тушаалаар батлагдсан “Шүлхий өвчинтэй тэмцэх заавар”-ын дагуу гоц халдварт шүлхий өвчинтэй тэмцэх, урьдчилан сэргийлэх арга хэмжээг хэрэгжүүлэн ажиллаж байна.
Хөвсгөл аймагт оношлогдсон шүлхий өвчний анхны тохиолдол Бүрэнтогтох сумын Сангийндалай багт 2021.12.02-нд бүртгэгдэж байсан бол өнөөдрийн байдлаар 12 сумын нутагт тархаж, өвчилсөн малын тоо 9517 хүрсэн нь тухайн өвчний халдвар маш хурдан тархаж байгааг харуулж байна.