Улаанбаатарт 1,650, орон нутагт 613 тохиолдол бүртгэгдэж, найман хүн нас баржээ

Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцууллаа.

ЭМЯ-ны хэвлэлийн ажилтан Б.Ууганбаяр “Сүүлийн 24 цагт коронавирусийн халдвар илрүүлэх зорилгоор шинжилгээ хийх явцад 2,263 хүнээс халдвар илэрлээ. Нийт халдварын тоо улсын хэмжээнд 78,347 болж байгаа. 2,263 тохиолдол бүгдээрээ дотоодын халдвар бөгөөд дотор нь задалж танилцуулбал,

1,650 нь Улаанбаатар хотод
613 нь орон нутагт бүртгэгдлээ.
Улаанбаатарт бүртгэгдсэн халдваруудын 26.3 хувь 0-17 насны хүүхэд байгаа бол 18-59 насны иргэд 66 хувийг, 60-аас дээш насныхан 7.8 хувийг эзэлж байна.
Орон нутагт халдварын тохиолдол өндөр хэвээр байна. Тиймээс халдвар хамгааллын дэглэмээ чанд баримтлахыг уриалж байна.

Сүүлийн 24 цагт 523 хүн эдгэрсэн. Ингэснээр нийт эдгэрсэн хүний тоо 57,025 боллоо. Халдварын улмаас 9,323 хүн эмнэлэгт хэвтэн эмчлүүлж байгаагаас

Хөнгөн – 5,839
Хүндэвтэр – 2,562
Хүнд – 766
Маш хүнд – 156 хүн байна.
Өнгөрсөн хоногт халдварын улмаас 42-86 насны найман хүн нас барсан. Нас барсан иргэд эмнэлэгт хэвтэн эмчлүүлж байсан.

Нас барсан хүмүүсийн ар гэр, төрөл төрөгсдөд гүн эмгэнэл илэрхийлье” гэлээ.