Говь-Алтай аймаг энэ сарын 25 хүртэл хөл хорио тогтоов

Говь-Алтай аймгийн онгой комиссоос мэдээлэл өглөө. Говь-Алтай аймгийн засаг даргын орлогч Г.Чинбат ” Аймгийн онцгой комиссын 21 дахь хуралдаанаар хэд хэд шийдвэр гарсан. Өнгөрсөн бүтэн сайн өдөр Улаанбаатараас Өвөрхангай, Баянхонгор, Ховд Говь-Алтай чиглэлд малын халдварын вакцин тээвэрлэж явсан улсууд Говь-Алтай аймагт буулгасан байгаа. Хойшоогоо Дарвийн постон дээр очиж шинжилгээ өгөхөд эерэг гарсан байгаа. Вакцин буулгахад анхны хавьтагчаар 4 хүн бүртгэгдсэн Өнөөдрийн хуралдаанаар энэ сарын 25 хүртэл хүнсний дэлгүүрүүдээс бусад үйл ажиллагааг зогсоож байна. Одоогийн байдлаар шинжилгээний хариу нь гараагүй байна. Тус 4 хүн гэртээ тусгаарлагдсан байгаа. Одоогийн байдлаар халдвар бүртгэгдээгүй байна. Тиймээс эрсдэл өндөр байгаа учраас хөл хориог тогтоож байгаа юм. Ногоон бүс хэвээрээ байгаа. Хэрвээ 4 хүний шинжилгээний хариу сөрөг гарах юм бол халдвар тархаагүй байна гэж үзнэ. Мөн хүнсний жижиглэнгийн худалдаа эрхэлдэг байгууллагуудын ус дулааны газраас бусад бүх байгууллын үйл ажиллагааг зогсоож байгааг мэдэгдэж байна” гэлээ.