Ерөнхийлөгчийн сонгуульд нэр дэвшүүлэх ажиллагаа энэ сарын 30-наас эхэлнэ

Монгол Улсын Ерөнхийлөгчийн ээлжит сонгуулийн санал хураалт ирэх зургаадугаар сарын 9-ний өдөр болохоор хуульчилсан. Ерөнхийлөгчийн сонгууль болоход 50 хоног үлдсэн байна. Тэгвэл Ерөнхийлөгчийн сонгуулийн үйл ажиллагааны цаг хугацааны зураглалыг хүргэж байна.

Ерөнхийлөгчийн сонгуульд нэр дэвшүүлэх ажиллагаа энэ сарын 30-наас эхэлнэ. Нэр дэвшигчид тавигдах шаардлагын тухайд Монгол Улсын Үндсэн хуульд оруулсан нэмэлт, өөрчлөлтийн дагуу

50 нас хүрсэн

Сүүлийн таваас доошгүй жил эх орондоо байнга оршин суусан Монгол Улсын уугуул иргэн байх 

Ял эдэлж байгаа, авлига албан тушаалын гэмт хэрэг үйлдсэн гэм буруутай болох нь шүүхийн хүчин төгөлдөр шийтгэх тогтоолоор тогтоогдсон хүн нэр дэвшихийг хориглосон зохицуулалтыг хуульчилсан.