Эрх баригч намын хүлээн зөвшөөрөгдсөн улс төрч

МАН-ын хүчтэй эмэгтэйчүүдийн нэгээр богино хугацаанд тодорч, монголчуудын хайрыг татсан хүн бол Хүрэлбаатарын Булгантуяа.   БНХАУ-д баклавр, АНУ-д магистр хамгаалсан, Сангийн дэд сайдаар ажиллаж байсан, Англи, хятад, япон хэлийг төрөлх хэл шигээ эзэмшсэн тэрбээр  Оюутолгой ХХК-д төслийн менежер, Петровис ХХК-д Бизнесийн хөгжлийн хэлтсийн даргаар ажиллаж байжээ.

Мөн Зүүн Тимор, Палестин зэрэг хөгжиж буй орнуудад хэрэгжүүлж буй Дэлхийн банкны төслүүдэд төслийн зөвлөх, төслийн удирдагч, “Оюутолгой” ХК-ийн Инженерийн хэлтэст төслийн менежер, Бизнес, стратегийн хэлтэст бизнес стратегийн ахлах зөвлөх, МАН-ын Бага хурлын гишүүн, Нийгмийн Ардчилал Монголын залуучуудын холбооны гадаад харилцаа, жендерийн асуудал хариуцсан дэд ерөнхийлөгчөөр ажиллаж байсан тэрбээр инженер аавтай, эдийн засагч ээжтэй. 1981 онд Архангай аймагт төрсөн.

1998 онд Монгол-Түркийн хамтарсан дунд сургууль, 2000 онд МУИС-ийн Математикийн сургууль, 2006 онд Дундад Хятадын шинжлэх ухааны их сургууль, 2008 онд АНУ-ын Ейлийн их сургуулийг тус тус төгссөн. Эдийн засагч мэргэжилтэй. Хөгжлийн эдийн засаг, олон улсын эдийн засгийн ухааны магистр. 2006-2007 онд “Паладин Ресурс” ХХК-д зөвлөх, 2008-2010 онд Дэлхийн банкны “Төрийн санхүүгийн удирдлагыг сайжруулах” төсөлд зөвлөх, удирдагч, 2010-2011 онд “Оюутолгой” ХХК-ийн төслийн менежер, бизнес стратегийн ахлах зөвлөх, 2012-2013 онд “Петровис” ХК-ийн Бизнес хөгжлийн хэлтсийн дарга, 2013-2016 онд МАН-ын нарийн бичгийн дарга, 2016-2020 онд Сангийн дэд сайдаар ажиллаж байсан.

Д.Пүрэв