Кабелийн телевизүүд, байрны СӨХ-үүд ч бас төлбөрөө тэглэнэ гэж иргэд хүлээж байна

-Төр хариуцлагаа хүлээж байна, одоо томоохон монполь компаниуд ч бас хэрэглэгчиддээ хүрсэн, хэрэгтэй үйлчилгээг үзүүлэх цаг ирсэн ирлээ-

Дэлхий дахиныг түгшээсэн цар тахал тархсан энэ үед Монголын Засгийн газраас иргэддээ хандсан ухаалаг бодлого хэрэгжүүлж байгаагаа зарласан нь ням гарагийн жинхэнэ гэнэтийн бэлэг болов. Энэ удаагийн ээлжит халамжаа манай Засгийн газраас дундаж орлоготой иргэд, аж ахуйн нэгжид хандаж гаргасан нь хамгийн ухаалаг ажил болов.

Тэтгэвэр авдаггүй, халамжинд багтдаггүй, цалингаараа, цаг наргүй ажиллаж олсон жоохон орлогоороо амьжиргаагаа авч явдаг дундаж давхаргынхан болсон иргэдийнхээ ачааллаас хуваалцаж ирэх долдугаар сарын  нэг хүртэл цахилгаа, дулааны эрчим хүч, дулааны уурын төлбөрийн чөлөөлтөд нийслэлд 25 мянган аж ахуйн нэгж, 381 мянган айл өрх, орон нутагт 26 мянган аж ахуйн нэгж, 297 мянган өрх хамрагдахаар болов.

Браво… Ингэснээр гэр хорооллын айл өрх дунджаар 240-530 мянган төгрөгийн цахилгааны, орон сууцны айл өрх талбайн хэмжээнээс хамаарч 560мянгаас 1.1 сая төгрөгийн цахилгаан, дулааны, жижиг дунд үйлдвэрлэл эрхэлддэг аж ахуйн нэгж 7-30 сая төгрөгийн,томоохон аж ахуйн нэгжүүд 500 саяас 1.4 тэрбум төгрөгий өөртөө үлдээх боломжтой болов.

Төр засаг энэ хүнд үед ийнхүү тусламжийн гараа дэлгэлээ. Тэгвэл цахилгаан, дулаанаас дутахгүй зардалтай орон сууцнуудын СӨХ, кабелийн телевизүүдийн үйлчилгээ үзүүлдэг Юнившн, Сансар, Скаймедиа, Мобиком, Жи-Мобэйл зэрэг монополь эрхтэй үйл ажиллагаа эрхэлдэг байгууллагууд олон жилийн турш үнэнчээр хэрэглэж байгаа хэрэглэгч иргэддээ хөнгөлөлтийн үйлчилгээ үзүүлэх хэрэгтэй болов уу. Учир нь эдгээр компаниуд энэхүү хүнд хэцүү үед иргэд, хэрэглэгчиддээ хүрч үйлчилж, бизнесийн уян хатан нөхцлөөр хандах төр, ард түмнийхээ өмнө хүлээсэн үүрэгтэй билээ.

С.Баяр