Албан тушаалтнуудыг ХОМ-ийг 20-нд ил болгоно

УИХ-ын 2020 оны ээлжит сонгууль ирэх зургаадугаар сарын 24-нд болно. Сонгуулийн тухай хуульд зааснаар нэр дэвшигчид АТГ-т хөрөнгө, орлогоо мэдүүлэх үүрэгтэй. Өөрөөр хэлбэл, хуульд заасан хугацаанд буюу энэ сарын 17, 18, 19-нд нэр дэвшигчид хөрөнгө, орлогоо мэдүүлэх юм.

Тэгвэл АТГ-аас нэр дэвшигчдийн хөрөнгө, орлогыг ирэх долоо хоногийн лхагва /2020.05.20/ гарагт олон нийтэд ил болгоно. Өмнө нь УИХ-ын сонгуульд өрсөлдөн ялалт байгуулсан нэр дэвшигчдийн Хөрөнгө орлогын мэдүүлгийг авдаг байсан бол энэ жилээс нэр дэвшигч бүр мэдүүлэх үүрэгтэй болсон.

Түүнчлэн АТГ-аас албан тушаалтнуудын өнгөрсөн оны хөрөнгө, орлогыг тухайн өдөр өөрийн цахим сайтдаа байршуулах аж.