Бохирын нүх, муу уснаас холуур явахыг сануулж байна

АНУ-д хоригдлууд өвдсөн тохиолдол гарч, байдал хүндэрч байгаатай холбоотойгоор дөрөвдүгээр сарын 30-ныг хүртэл зай барих шийдвэрээ хэвээр үлдээж, хүмүүсийг хоорондоо 2 метрээс доошгүй зай барих, ямар нэг хурлыг 10-аас дээш хүнтэй зохион байгуулахыг хориглоод байна. Тус улсад халдварын оргил үе ирэх долоо хоногт болно гэж тооцоолж байна. АНУ-ын хэмжээнд 90 сая хүн халдвар авч, 100 мянган хүн нас барна гэсэн тооцооллыг тэргүүлэх эрдэмтэд нь хийжээ. ДЭМБ-аас шинэ зөвлөмжүүдийг цаг алдалгүй хүргүүлсээр байна. Үүнд:

Эрүүл зөв хооллох, ялангуяа хүүхдийн хооллолтод анхаарах,

Архины хэрэглээг зогсоох, чихэрлэг ундаа уухаас татгалзах,

Тамхинаас татгалзах,

Идэвхтэй дасгал хөдөлгөөн хийх,

Сэтгэл зүйн эрүүл мэнддээ анхаарах, бие биедээ сэтгэл зүйн дэмжлэг үзүүлэх нь чухал гэв.

Мөн вирус агаар биш дуслын замаар халдварладаг байх магадлалтай гэсэн судалгаа хийсэн. Иймд үсэрсэн шүлс, дуслын замаар дамжих эрсдэлтэй гэсэн үг тул амны хаалт зүүх нь хамгийн чухал хамгаалалт болно. Мөн өтгөн мөрийн замаар дамжиж буй тул хавар цагт бохирын суваг, ил жорлон муу усны нүх зэрэг бохир орчноос холуур явах нь зүйтэйг сануулж байна.

Өвчний шинж тэмдэг зарим хүнд 21 хоногийн дараа илэрч байгаа. Гэтэл зарим тохиолдолд ямар ч шинж тэмдэг илрээгүй хүний өтгөнөөс нь 23 хоногийн дараа вирус илэрсэн тохиолдол гарсан байна 0-15 насны хүүхдүүд өвчлөх нь нэмэгдэж буй бөгөөд хүндэрч өвчлөхгүй байгаа ч тээгч хэлбэрээр бусдад халдвараа тарааж байна” гэлээ.